Lukaa 19:32-39

³²Diaar waan ma diaar baraata paa a kum utnaa raap baa Iesu ia pir taai taan diaar.

³³Io, baa diaar palpalaa a naat na dongki diat baa anundiat, diat tiri diaar naa, “Aawa maa mur palaa a naat na dongki maa kupi?”

³⁴Diaar baalu diat naa, “A Tadaaru i nemi.”

³⁵Ma diaar ben taa a naat na dongki karom Iesu, ma diaar rakaan wa ruina maalu baa diaar burung baat anundiaar minong mai, diaar ungi nate u ra naat na dongki ma diaar waki taa Iesu uni.

³⁶Baa i waan waanwaan, raa taara diat rakaan wa anundiat kum maalu baa diat burburung baat anundiat kum minong mai, ma diat laangun taai u ra aakapi.

³⁷Baa ia marawaai u ra waanwaan pari u ra Taangaai na Oliwa, a ngaala na gaaia i lo a taara na wawer raap ma diat pir walaawa paa God ma ra ngaala na ingaandiat u ra kum utnaa na kakaian baa diat aa baboi, ma diat kulkulaai lenbi,

³⁸“Daat a pir walaawa paa a King baa i waan paat u ra iaa ra Tadaaru! A maalmaal inaanga u ra maawa, ma a pir walaawa unaanga karom God!”

³⁹Raa kum Parisaaio naliwan u ra kor na taara diat piri naa, “Tena Wawer, un turbaat anum taara na wawer.”