LUKAS 19:32-39

³²Jak benne' wsedle chie' ka', benne' ka' bseḻe'e, na' bejx̱áka'gake'-ba' kan ba gož Jesusen' ḻégake'.

³³Katen' beséžgake' búrrodon', benne' x̱anba' ka' góžgake' ḻégake': —¿Biẕ chen' žsežle búrrodon'?

³⁴Beží'igake', na' wnnágake': —X̱anžon' žiážjele'-ba'.

³⁵Belchi'e-ba' gan zoa Jesusen'. Kate' ba bx̱óagake' laže' cheḻá'a ka' chégake' x̱kože' búrrodon', bžíagake' Jesusen' x̱kóže'ba' ḻaw laže' ka'.

³⁶Belchiljwe' laže' chégake' ḻo nez gan žaḻa' te Jesusen'.

³⁷Kate' ba bžíngake' gawze gan zoa ldinne che Ya'a Yag Olibo, benne' ka' žónḻengake' Jesusen' tẕen, ḻo yeḻa' žebél chégake', wzó ḻáwgake' ẕnnégake' zižje, na' bka'n ẕéngake' Dios ni'a che yeḻa' wak ẕen ka' da' bḻé'egekle', da' ka' ben Jesusen'.

³⁸Wnnágake': —¡Ga'n ẕen benne' wnná bia' ni, benne' ze'e ḻo wláz X̱anžo Dios! ¡Za' ya'abá che Dios da' ẕbek ži yichj ḻáẕdo'žo! ¡Ga'n ẕen Dios!

³⁹Naž benne' yodo' fariseo ka', benne' nníta'gake' ládjwgak benách zan ka', góžgake' Jesusen', na' wnnágake': —Benne' wsedle, bdiḻe benne' wsedle chio' ka'.