Luka 19:32-39

³²Yesudi inguc milu ngic salecepame hikelu ye miwec, yogo sasawa bafuwaiboc.

³³Bafuwalu donggi madecine lukeboc filefocine yengi yanguc uwayeteibong, “Ngeke donggi madecine wenuc ainicte lukegaic?”

³⁴Inguc mibong yeki miiboc, “Sugucne ye yagodi bole banogale migac.”

³⁵Inguc milu yeke donggi madecine yogo Yesula balu hikeiboc. Ailu Yesudi felu ngiyenale yeke ngakpinginec dalicne hemoctolu donggi madecinele feiwa lumackelu Yesu fenale bafickeiboc.

³⁶Bafickeboc ye felu ngiyeme hikeemewa, iwa ngic-ngigac yenge ngakpingineng dalicne hemoctolu yefewa lumackeibong.

³⁷Aime Yerusalem emeina Oliwa kupicte yefe haugac, iwa yele mic-tengtengfocine habu sugucne yenge pasi damuineholec nganilu gaibong. Ilec ailu kwele-madic ngagelu beliyelu uc sugucneholec Wapong mitengkelu yanguc miibong,

³⁸“Ngictau Sugucnele wacka welegac, ye mimi-madicineholec. Honocmengka kwele-mogung fame sawawa wilini wacine feicne fadaic.”

³⁹Wackelu mitengkebong Farisaio gocne habu yengele hewacka domaibong, yengi Yesu yanguc uwacnoibong, “Wewedu, ga mic-tengtengfocgone ngelengkeyelelu miyengka waickening.”