LUKA 19:32-39

³²Wanahina waja wachola, wavika kamba vija Yesu viyawalongele.

³³Viwakalile womfungula imwana mhunda, wenyego wawauza, “Habali mumfungula?”

³⁴Wawalongela, “Mndewa komulonda.”

³⁵Wamsola imwana mhunda, wamgala ha Yesu. Abaho, watandika vivalo vao mumgongo wa imwana mhunda, abaho, wampapa Yesu wamwika mumgongo wa imwana mhunda.

³⁶Yesu viyakalile yochola, wanhu wanzanza vivalo vao mnzila.

³⁷Viyakalile behi na kuvika Yelusalemu, ahaja hana inhelemuko Hakigongo cha Mizaituni, dale kulu da wanahina zake disonga kwinula nyangi kuno wotoa ng'henze na kumuheweza Mulungu, sama ya mbuli zose ng'hulu ziwonile.

³⁸Wolonga, “Kamota Mtawala yokwiza mtwaga da Mndewa! Tindiwalo kuulanga na yenzi ha Mulungu!”

³⁹Mafalisayo wayagwe wakalile mdidale dija wamulongela Yesu, “Mkulufunzi, walongele wanahina zako wanyamale!”