Luuka 19:32-39

³²Nelaaɓe ɓee njehi, tawri no o wiiri ɗum'en nii.

³³E ley humtugol maɓɓe mola ngaa, jeyɓe mola ngaa ɓee mbii: —Ko kumtirton mola ngaa?

³⁴Ɓe njaabii, ɓe mbii: —Moobbo ana haajaa nga.

³⁵Nii ɓe naɓani Iisaa mola ngaa, ɓe njappi e magga saayaaji maɓɓe, o waɗɗii.

³⁶No o yaarata nii, ɓe mbeerti saayaaji maɓɓe dow laawol ngol.

³⁷Nde o faandii Urusaliima ndee, hedde jipporde waamnde haayre wiyeteende Jaytun, tawi taalibaaɓe ɓee fuu ana keewi seyo, ndarii ana njetta Laamɗo e daande toownde, saabe deental kaayɗe ɗe ɓe njiinoo ɗee.

³⁸Eɓe mbiya: —Barke woodanii kaananke gardoowo e dow innde Joomiraaɗo! Jam dow kammu. Teddeengal woodanii Laamɗo Toowɗo!

³⁹Yoga e Farisa'en tawaaɓe e jamaa oo ɓee mbii mo: —Moobbo, haja taalibaaɓe maa ɓee!