SAN LUCAS 19:32-39

³²ꞌBa kiji xi kjinikasen, ꞌba tsabe kiꞌndi burru jofatsaꞌen nga je kitsu Jesús.

³³ꞌBa yejerañu inyakjenda kiꞌndi burru, xi naire tsiningiyare: —¿Ánñu techjundañú kiꞌndi burru?

³⁴ꞌBa kui kitsingojore: —Naꞌennaxu machjenre.

³⁵ꞌBa ꞌbatsaꞌen jaꞌekore Jesús kiꞌndi burru, ꞌba yasunre tjiutsanga chajare ꞌba kitsikꞌejñakjare.

³⁶ꞌBa jotsaꞌen Jesús tifi, xuta inyabayuju tjiutsanga chajare ngaya ndiyo.

³⁷ꞌBa kionga je inyafechu ña fijenya tjenngi Ya Olivo, ngatsiꞌi xi tjenngire Jesús ꞌetutsꞌinre nga kiskiꞌndaya nga tsja titsubare ꞌba nga inyatsichjire Naꞌenchana ngatꞌare ngayéje kjuakun xi tu tsabe.

³⁸ꞌBa inyatsu: —¡Ngatatsichikuntaꞌen Naꞌenchana rey xi ndibani ngatꞌare jaꞌenre! ¡Ngatjasꞌe kjuaxiu ngankꞌaa, ꞌba ngatjanichjire Naꞌenchana ngankꞌaa!

³⁹Tunga yakꞌa xuta fariseo xi tjenjinre xutankjiun kitsure: —Maestru, chjutikue xutari.