Luk 19:32-39

³²Pe hilu ndramat malmou mepo ipwandrisa hilu hilto mu ara, ara hilya nimei tehe sehe melit kinpwai kinnata kili hilu, ara iro mwonen tehe kinpwai.

³³Pwen hiluro tali malkeye tongkiy, pe ndramira tongkiy isok hilu, ipa, “Paratesah pe walu tora tali tongkiy ara?”

³⁴Pe hilsomwi yiy, hilpa, “Yapan inamiliy.”

³⁵Pwen hilu luwi tongkiy isa kili Yesu, pe hupwalani koiwe hu iya ndrita tongkiy ara, pe huiki Yesu impwan ndritan.

³⁶Pe iropo iya, pe hu ndramat hupwalani hu koyau tahu huya ndrita sai.

³⁷Pe isa pakeh kol hape mepo sai para Ngondron para hu Holip ilai iya pwan, pe hu ndramiran soyo-soyon iya huhuri ngala Ngindrai iyapolo pwesai namandran, paratesah, hulohongani hu ndraikiya pwoke masih mepo hu kannimei pwen.

³⁸Pe huwayeh hupa toro: “Lomwes ita kili King mepo isa iya ngala Yapan! Ndriya wayis ita kol paingan yang, pe Yapan ma ngannganan, iyera paingan masih!”

³⁹Pwen yihu Parisiy hayah huro mwalinga hu ndramat soyon iya ara, ara hupwai iya kili Yesu, hupa, “Ndramat para Hinonou, apomate ndramiram hu para hu kahun o!”