Luk 19:32-39

³²Wun hundi xékétaka bér ye bér xé, Jisas wandén maki wun donki wumbu téndéka.

³³Xétaka wun wayikana donkina yoo lukumbéka di wun donkina yafa yae di bérré wa, “Méta yanjoka béni wun wayikana donki luku?”

³⁴Wungi wandaka bér wa, “Néma Du dé wun donkika mawuli ye.”

³⁵Wungi wambéka yawundu nandaka bér wayikana donki hura yi Jisaska. Ye bér bérka sanda wur donkina bunungulmbu xakétaka, Jisas wumbu rendéte.

³⁶Wun donkimbu reta yindéka di du takwa deka nukwa wurré yambu xéletaka.

³⁷Xéletakandaka dé Oliv némbu yatakataka naande ye Jerusalemémbu xakunjoka yandéka déka jémba sarékékwa séfélak du takwa di déka yikafre mawuli yata mawuli sawuli ya. Yata hanja xéhafi yandan hambuk jémba xéndanka sarékéta di hambukmbu wata di Godna ximbu haréké. Harékéta di wa:

³⁸Néma Du God déka ximbu xaakwa néma duré yikafre hurutandé. Godna getéfambu rekwa du nakélak huru mawuli héraata jémba retandi. Nani anwarmbu rekwa Godna ximbu harékétame.

³⁹Farisina du nawulak wun du takwa wali téta xékéta di Jisasré wa, “Wakwekwa du, ména du takwaré mé watéfi.”