Luke 19:32-39

³²Mu waha'yoo naana yise memease pumme tu tuukwe-kwa'nesoo oo mayu petuga.

³³Ka tzagaze mu tzadoopawunu, mu numu mu tubenga, “How manena mu a tzadoopa?”

³⁴Umu yise mu nekwegea, “Soo Ne Pabe'e a nekwa'e.” O'no mu numu yise gi hayoo mu netamma.

³⁵Mu waha'yoo naana yise ka tzagaze ka Te Pabe'e-baatoo tzakakase, wega oo-kooba hanese, soo Te Pabe'e ka mu wega-kooba katuno'o.

³⁶Ewa'yoo numu wega ka po-kooba wupatzeta.

³⁷Oosoo yise ka tuupetukana ka po'woadu Olive petakwana mea mu Te Pabe'e nakatzimodu yise papaba apegeana oo nesookwuga'e ka oo manena poonnena.

³⁸Umu papaba apegeana, “U yow, Ne Tubetse Pabe'e ne magwetzoidu.”

³⁹Ewa'yoo mu Pharisee-matu yise meeow ka Te Pabe'e netamma, “Mu ume nakatzimodu nesagwiku.”