Luk 19:32-39

³²Ŋunde yiní uni asá yereró ŋundo uyaro o soso Yesuko yaró ŋu tunoqiní qeneriyó.

³³Utó dóki kusiyaŋgurí ŋu orosoyiriqo, dóki ŋuro simburímbo ŋande osese yereŋgurí, “Yari date koro dóki simó ŋu orosoyitiri?”

³⁴Yiqo, yariyó, “Uni Parámimbo ŋuno kho ka teweya.”

³⁵Ŋunde yero rero Yesuko mahiriyó. Re mahero tuwi piruyari se dóki saŋano rero Yesu re ŋuno rotori kunditaró.

³⁶Kunditero uyariní unipare tuwi piruye ŋu wendaŋero se khewore raŋgurí.

³⁷Asa uyareyate khe ŋu mira purí Oliv itaqewero quno ŋuno iŋo-iŋo rewero unipare soso ŋu hurí rero o wimbí moré tiní qeneyaŋgurí ŋu iŋoro kondé nekoro Anutu owí hokoyaŋgurí.

³⁸Ŋande nekoyaŋgurí, “Wiri yerete uni Uni Parámimboro owímo mahete, ŋundo puriŋo riní! Newonde ime samboko yoní, ko Anutu owí koreko horé hokoyi.”

³⁹Ŋunde yeyuriqo, Farisi uni kumimbo unipare qambu keweroye moŋgo Yesu miraŋgurí, “Rondaqe-rondaqe uni, ke iŋo-iŋo rewero unike yiyo yeka.”