Luke 19:32-39

³²Setiri ambojimbi etoto awa mambudo wo donkey da mei Iesu mi ro sisira da awodo awa tambusera.

³³Edo ungo etoto wo awa wujegurero edo embobo wo ainda totopo mi ungoda yei sisera, “Ingo ro edo wo awa wujegurevi?”

³⁴Setero ambojimbi etoto mi mina sisera, “Bada mi buro adi wo eiawa dipapa ira.”

³⁵Sedo edo ungoi wo awa budo Iesu da yei mambusera. Mambero budo ungoda ombari ribori awa wo da gun tamo ainda itido ungoi Iesu kondade etero vivitisira.

³⁶Edo Iesu wo da tamo da anumbedo mambutiri embo mi ungoda ombari ribori mi emboro da besi dirarago isera.

³⁷Edo ungo Olive doriri da demo da wowosise edo Jerusalem nati aikambu ise edo ambojimbi Mamo ategurise edo jasiga isera ainda be awa ungo matu Iesu mi wasiri goroba de neinde kainde etiri getera awasedo.

³⁸Edo ungo Mamo jasiga ise sisera, “Mamo mi gitijigari Mamo da jawo da bugutira awa ewamei are. Edo embo berari de anela utu da ainda awa iaviri ore. Edo ingode Mamo jasiga ore.”

³⁹Edo Pharisee embo nenei embo da teda amimi tini gambari mi Iesu da yei sisera, “Atopatari se iso ambojimbi ge dore.”