Luke 19:32-39

³²Ye nifeideyo vene feresi baku reyadi, ini niyo kana.

³³Donkey di mida di maena youneyadiri, bi ini nari rededi vene yaku nikaiteyadi, “Beika resi ini maena younededi?”

³⁴Nikabai resi niyadi, “Varika amiye yaku ura redo dada.”

³⁵Resi Iesu rofu moi baesi ini bou varuka fafau yousi Iesu odorori aeyadi.

³⁶Keu risi bogamori, bi amiye yaku ina fafau varuka moisi idau ibu reyadi.

³⁷Jerusalem atafu, Olive yabo di omuna ika di ida dena sanari deyori, bi ini usi dina vene tau gade yaku goroka tora dudu Sei di roka moi odoro rigi kora regamadi, mokena vegu tau veyadi dada.

³⁸Yomakai nigamadi, “Sei buni tora gade mado kini kaere Varika amiye di rokari baedo! Uka amuta ma Sei di vabara oma odoro iniyeri ameyaine!”

³⁹Kamini Pharisee vene be bi mina amiye tau fogori yaku ina rofu niyadi, “Oteimana amiye, yi usi dina vene emasi nivo makai ga niyagane!”