Luka 19:32-39

³²Ŋaclagêc tau sêja e têtap sa kêtôm kêsôm gêdêŋ êsêagêc.

³³Agêc sêgaboac doŋki ŋalatu sêmoa, go ŋatau sêsôm gêdêŋ êsêagêc gebe “Agêc agaboac doŋki ŋalatu su kêtu asageŋŋa.”

³⁴Ma êsêagêc sêsôm gebe “Apômtau kêpô lêna gêŋ tau.”

³⁵Go êsêagêc sêwê doŋki dêdêŋ Jesu sêja, sêu nêŋ ŋakwê gêsac doŋki ŋalatu ŋaô ma sêkêŋ Jesu gêŋgôŋ.

³⁶Eŋ kêsêlêŋ gêmoa, tec lau sêja nêŋ ŋakwê gêc intêna.

³⁷Eŋ kêsêlêŋ intêna, taŋ kêsêp aŋga Lôckatêkwi kepeŋ Jerusalem gêja, tec ŋacseŋomi samob sêôc aweŋ sa ma sêlambiŋ Anôtô totêntac ŋajamgeŋ ŋa aweŋ kapôêŋ kêtu gêŋsêga samob, taŋ sêlic naŋŋa,

³⁸ma sêmôêc gebe “Alanem kiŋ, taŋ gêmêŋ gêjam Apômtau laŋô naŋ. Biŋmalô ênêc undambê to ŋawasi êsa aŋga lôlôc.”

³⁹Ma Parisai ŋagêdô, taŋ sêwê sêwiŋ êsêac toŋ tonaŋ naŋ, sêsôm gêdêŋ Jesu gebe “Mêtêmôkê, wec bi ŋ nêm ŋacseŋomimaŋ.”