Luka 19:32-39

³²Basi, watumíwe ware nakuka, wasingana kamba vyaâwambire novire.

³³Nakunfungula buru ire, wanyewe wakiwadairi: “Mbena mankunfungula buru‑yo?”

³⁴Ewo wakijibu: “Mwenye Insa ndi ári kunsakula.”

³⁵Ikisa, wakinlongoza mpaka ka Insa, wakitandika nguwo zawo julu ya buru ire wakimpandisa Insa.

³⁶Ikisa munjira mwakipita Insa, wanu ware wakitandika nguwo zawo.

³⁷Pawafikire karibu ya Yerusalemu, mahala pakwisukira Mwango wa Mizaituni, wanu piya wa kundi ra wanafunzi watenda radi, wakintukuza Mwenyezimungu kwa shauti ulu‑ulu kwa piya vitendo vya uwezo vyawakiwona.

³⁸Ewo wakamba: “Heri nfalume ári kuja kwa zina ra Mola! Mbinguni iwepo salama, na julu pakulu uwe‑po utukufu!”

³⁹Mafarizeu wamojawapo wákiwa kati ya junudi ya wanu ware, wamwambira javi: “Mwanlimu, wadume wanafunzi wako‑wo!”