LUUKAS 19:32-39

³²Inime'e a' majtim aman sajaka intok bempo si'imeta Jesujta ameu a' teuwaaka'a benasi ama a' teak.

³³Bempo intok juka' ili buuta am woitao su, jume' a' atteakame: ―Jaisaakai eme'e a' woita ―ti ameu nattemaek.

³⁴Bempo intok: ―Juka' yo'owe Jesukrijtota inika'a a' sawabae' betchi'bo ―ti jiiak.

³⁵Junuen inime'e, Jesujtau aman a' tojaka intok tajo'orim bempo'immet cha'aka'um ju'u buutat to'aaka, Jesujta aet ja'amutuak.

³⁶Aapo'ik Jesujta intok ket a' weye'ut luula, bempo, bem tajo'ori amet cha'aka'um aawas am to'o sakan.

³⁷Aapo'ik junama Oliibo kawi' tea'po betukun bo'ot ko'om a' yebisuseo, si'ime jume' a' sualeka ama aamak kate'um, inime'e si'imeta juka' Liojta a jita joa'apo aman, suum watchisi machik bem bitlaa'u betchi'bo, alleerimmea chai japtek. Intok Liojtau bicha bem a' bai sae'uta a' teuwaakai.

³⁸Inime'e inen jiakai: ―A' alleetuawaka a' yo'orinaa'u au lutu'uriatune, ju'u che'a yo'o ya'ari, achai Liojta betana lutu'uriaka a'abo weyemtawi. Teekau jiapsammeu yuma'isi ka jain eewame aune. Intok che'a bepa Liojta a' yo'orinaa'u jiba au aune ―ti jiakai.

³⁹Junak intok waate paiseeom, inime'e ama bu'uurata nasuk kate'um: ―Yee majtame, inime'e emak eaka inim kateme, am nok yaatituane ―ti Jesujtau jiiak.