Hibru 8

1

2

3

4

5

6

7

8

9

10

11

12

13

¹Amã wogõ mauf anĩ nẽ kaũ, are yeir. Ada pris mudur age fiya ado, ĩ saa ilun Negur nẽ sia ima biyalẽ ibod ken,

²modoũ fateul bagai, are tamom sã, Odug yogo bagai salafat inon anĩ bun aruna yalef.

³Pris mudur ganan, ofa ado yaro sesewi fiya difenẽf nigin igirnẽdif, anĩ nigin, neda Pris Mudur ĩg ereb taka ifenẽf nigin adouf.

⁴Ĩ tenebur ibodom are, ĩ pris to wõ yem, ere nigin, tamo lo irok kilei ofa difenẽdif are mogo dibodok.

⁵Idi modoũ fateul bagai, are saa ilun ibodok age fiya gen, anĩ nẽ malakanon bun aruna dalef. Anĩ nigin, Moses ĩ salafat fateul inouf nigin age fen sain bun, Negur ĩ weder iroun, “Lo welei, õ arei bun afelnon age fiya kilei bagai, ereb ereb ganan unouf.”

⁶Anĩ ere, Jesus ĩ kabĩ yalen are idi neid kabĩ wal fiya, ere nigin, Negur ado tamo geid bar itenẽya nigin, ĩ atun tamo kabĩ yalef, bar itenẽya anĩ, bar itenẽya tubu anĩ wal fiya, bar itenẽya mata anĩ, Negur od age afouf yen, are od tubu wal fiya anĩ teten inon.

⁷Bar itenẽya tubu bun kũ fenẽya taka to ibodom are, mata nigin to lau fiyam.

⁸Anĩ ere, Negur ĩ tamo kayau bun kũ fenẽya ile fen, iron: “Odug irok, sain fau isif, are Israel tamo kayau ado Juda tamo kayau geid bar itenẽya mata anouf.

⁹Bar itenẽya are, aya idi neid tubuid tar Isip bun tamal imeid gim afe elen sain bun, idi tubuid tar geid, bar itenẽya anon age fiya gen sãf. Idi neu bar itenẽya to dõ difen nigin, aya idi dudum afedin.

¹⁰Odug irok, sain anĩ dumen, aya Israel tamo kayau geid, bar itenẽya enei anouf. Aya neu lo idi neid kisi bun ano fen, idi neid waud bun atotauf. Aya idi neid Negur abodõf, idi neu tamo kayau dibodõf.

¹¹Tamo takam ne tã to ifelnẽf, tamo takam tura to eig ye irokenẽf, ‘Odug nigin keleĩ youf,’ ere nigin, idi ganan aya nigin keleĩ youf, naal bagai bunem isel, odug bun.

¹²Aya idi neid sane nigin wederou tu kel fen, idi neid mosor nigin to karĩ aulauf.”

¹³Negur ĩ bar itenẽya enei “mata” yen, anĩ bunem bar itenẽya tubu are kabĩ sã. Ereb taka tubu, kabĩ sã yen anĩ, kaisã bagai iminkalauf.