Gewreyone 8

1

2

3

4

5

6

7

8

9

10

11

12

13

¹Tyepirana gonra wane chinkalurkaka: Tye pixkalutu sasertote Gitsrukate potu waneywu. Walenwa tsru potu tengogne gajeru tuplapijere potuklesretate tuplatachri.

²Kpashiwaka ga wa Goyakalupji potu kamrurewatyachrini, wa Gitsrukaachi panatanruni. Gi wa yineru panatanruni.

³Gi rixanu pejnuruneko sasertote gitsrukatene potu gitaaka ranikyapluna genekashlukaka ga wa giylatkalurkaka. Giyagni galuukalurni waneya rixinripa tye Sasertote koxa pagixanu ranikinripa.

⁴Giyagni tyechijne gwachri rixkamka, gimka sasertotepni, gi rixanu wanena genekashlukaka ganikachine wa Tokanchi Yokanatkaluru chinyawaka.

⁵Tengogne gajerkaka yaglu ga wa mayawle kamrurewatyana wanna, wa Goyakalu gixa yokanretyawaklu Moysisi, wa wale kamrutinripatka Goyakalupji. Wane chinru: “Petpotutanru, wanepotuko pkamrutinripa yaglu pixka, magka pekakgitikolu pixka.”

⁶Ga wa xani Kristo gapkapatkalu wanepnute kigleru potu kamrurchi, wane rixa kigleru potu Gipiratkaluru Tokanchi chinanu kgiglepokyegiklerni. Wanepnute kigleru gipiratkalurkakapiranaya gitaakaluru.

⁷Gi rixanu wa muchinanu Tokanchi Gipiratkaluru ma magatkanumka, gimka galuukalurni wa gepi chininri.

⁸Gi rixanu ruklukanuwnakakinna, Goyakalu wane china: “Getanu. Gigogne ginanu,” china wa Gitsrukaachi, “Gerotu gipiratkaluru tokanchi nupiratinna Gisrayiliklopishane ga wa Gotaklopishane.”

⁹“Gi wa gipiratkaluru tokanchi pixka Wa nupiratyana wa rutsrukatennina Walegogneni wa nkosemyomtna wa Gigiptochijne nkoshpakyapna. Gi rixanu wannani gi gomkagitlu nupiratanru tokanchi. Ga wa Gita gi wa nuslagyana,” wane china Gitsrukaachi.

¹⁰“Wanepnute ruknoogognetinitka walegognekaka, tyepni wa gipiratkaluru tokanchi, wa Gisrayiliklopishane nupiratinri,” china wa Gitsrukaachi. “Ginshinikanna nutakinna ntokankaka yokanatkaluru. Wale nyongajitanna. Gitapni wa Royakalutna. Wannapni wa nayinerutene.”

¹¹“Gi wa satkaka yimakanru gipokchi gajeru, Gi wa satkaka gimoleneko, wane chinachrimka, ‘Pumatanru Gitsrukaachi’. Gi rixanu pejnuruneko gimatanutkano, mturu potu ga wa tsrupotuymananuko.

¹²Gi rixanu kgetwamonuklerupno ma poyagkaklewleyna. Gi wa nushinikanutkalu mukochirna.”

¹³Wa gerotu chininri, kapokotu rixkaklu muchinanu chininri. Wa kapokotu ga wa tsrutsoleji gixachrinatka psotsotaji magata ramgamtinripa.