1ꞌBa ngajinre ngayéje xi techuba nijmi_ra, kui=bi xi ngisa chjire: Nga tjinna jngu naꞌmi titjun xi ꞌñu je, xi kikꞌejña ngankꞌaa ña ngate kixire Naꞌenchana.
2Xi tjinre xa ngaꞌnde ña ngisa tsje. Ngaꞌndebiu tijña ngaya ningu xi najñute ni xi kjuakixi. ꞌBa bi kui xi xuta kitsinda, Naꞌenchana suba.
3Ngatsiꞌi naꞌmi titjun kitsaꞌexare tuxi sjani chje ꞌba sikꞌenni tjiuba xi fechuko xuta. Kui= kjua naꞌmibi machjenni nga ꞌba nde tsja chje.
4Tsa ngaꞌera ngasunꞌndio tijña, bijín naꞌmi, ngatꞌa je tjin naꞌmi ngaꞌe xi tsja chje jotsaꞌen kuaꞌindutꞌa kjuatexumo.
5Tunga naꞌmi xi tjin ngaꞌe tsaꞌexaya ngaꞌnde xi tu isenre ko nkꞌianre xi tjin ngankꞌaa. ꞌBa ꞌyaña kibi ngatꞌa kionga Moisés mején sinda ningu xi najñu teni, Naꞌenchana ꞌba kitsure: “Nda chutsejen. ꞌBa fa tjai ningu xi najñute jokjiꞌi xi yakura̱ nga echuchunnaa̱ ngijñacho.”
6Tunga ngandaꞌe ngisa= nda ngisa xa xi kitsaꞌere Jesucristo nga ko mare xare naꞌmi xi tjin ngasunꞌndio, jotsaꞌen ngisa nda ngisa kjua xatse xi Naꞌenchana ꞌendako xuta ngandaꞌe. Ngatꞌare Jesucristo ꞌendakoni kjua xatsebi ngatꞌa jaꞌba je kitsuyatitjun nga sjare xuta tsajmi xi ngisa nda.
7Tsa tuméra kichajare kjua xi tjun ꞌendako xuta Naꞌenchana, bijín kuachjen xi majóni.
8Tunga bi kuatsjare Naꞌenchana xi kitsaꞌen xuta xi tseꞌe ꞌba kitsu: Kjuaꞌe= nixtjin, tsu Naꞌenchana, nga kꞌuendako ngañaa̱ kjua xatse xuta xi tseꞌe Israel ko xuta xi tseꞌe Judá.
9ꞌBa kjua xatse xi texin_ra̱, bi ngusun nga ko xi ꞌendakua̱ xuta chingare, nixtjin nga yafengia̱ ntsja nga tsoꞌoxjejia̱n nangi Egipto. Ngatꞌa bi kixi tsikinyajin kjua xi tjun ꞌendakua̱, ꞌba kui= kjua kitsikumani_ra̱, tsu Naꞌenchana.
10Tunga kui kjuabi xi kꞌuendakua̱ xuta xi tseꞌe Israel nixtjin xi saꞌe ndiba, tsu Naꞌenchana. Kꞌuejñaa̱ kjuatexumana̱ ngajin kjuafaꞌetsjenre, ꞌba nde siꞌindutꞌa ngajin inimare. An ku̱aa̱n Naꞌenre, ꞌba kui ku̱an naxinandana̱.
11Bi nde ꞌbatsaꞌen kuakuyanire xinkjin ninga ntsꞌe, nga kuetsure nga ngatjabexkun Naꞌenchana. Ngatꞌa ngatsiꞌi skuexkunna̱, kaꞌnda xi ngisa kiꞌndi kaꞌnda xi ngisa chinga.
12ꞌBa sichatꞌa_ra̱ jere, ꞌba bi nde sikjaꞌetsjenyaña̱.
13Nga Naꞌenchana nchja ngatꞌare jngu kjua xatse, tsu=nire nga je chinga xi tjun. ꞌBa xi je chinga ꞌba xi bi nde chjinire, kui xi bi nde tsé ku̱anire.
