1Yã kũ ótɛn o mìin dí: Ó sa'oriki bire taka vĩ vutɛna kíblegbaaa musu Luda zↄ̃kↄ̃de ↄplai.
2Àdi zĩ kɛ Ludakukia, bizakuta yãpura kũ Dikiri dↄ̀n, adi kɛ pↄ́ kũ bisãsirinↄ dↄ̀nlo.
3Zaakũ suna kũ gbanↄ kũ sa'onaao yãin òdi sa'oriki sĩnda pínki kái, à mana àpii gↄ̃ pↄ́ vĩ à kpá se.
4Tó à kú andunia gũn, anigↄ̃ de sa'ori ũro, zaakũ sa'ori kũ òdi su kũ gbanↄ lákũ doka dìtɛ nànↄ kun kↄ̀.
5Zĩ kũ òtɛn kɛ bi pↄ́ kũ à kú musu takamɛ, a ninimɛ. Abire yãi kũ Musa ye à bizakuta dↄ, Luda pìnɛ à laakari kɛ à pↄ́ kũ a a taka mↄ̀nɛ kpi musu kɛ lákũ à de nà pínki.
6Yesu mɛ́ à Luda bàka kunna kũoo yãkɛkɛri ũ. Zaakũ Luda bàka kunna kũooo pì de a bàka kunna kũńwo zĩla, zĩ kũ ò dànɛ de sa'oriki pìnↄ pↄ́la. Luda bàka kunna kũooo pìi lɛ́sɛna de a zĩla dↄ.
7Tó Luda bàka kunna kũńwo zĩ pì papanamɛ yã, de a plade zɛ́ vĩro.
8Kũ Dikiri Isarailanↄ taari lè à pì: A gↄrↄ tɛn su kũ mani ma bàka kunna kũ Isarailanↄ kũ Yudanↄ dufu kɛ.
9Anigↄ̃ de lán ma bàka kunna kũ ń dizinↄo gↄrↄ kũ ma ń kũ ń ↄa ma ń bↄ́tɛ Misila bàro. Zaakũ odi zɛ kũ ma bàka kunna kũńwoooro, akũ ma ń tón.
10Ma bàka kunna kũ Isarailanↄ gↄrↄ birenↄ gbɛra yãn dí: Mani ma dokayãnↄ dańnɛ ń nɛ̀sɛn, mani kɛ̃ ń swɛ̃̀ɛa. Manigↄ̃ de ń Luda ũ, onigↄ̃ de ma gbɛ̃nↄ ũ.
11Ń gbɛ̃ke ni yã dada a dakenɛro, ń gbɛ̃ke ni ma dↄ̃na da a gbɛ̃nɛro, zaakũ ń pínki nigↄ̃ ma dↄ̃mɛ, nɛ́ fíti gbɛ̃ zↄ̃kↄ̃ ń pínki.
12Mani sùru kɛ kũńwo kũ ń taarinↄ, mani ń durunnanↄ yã da doro.
13Kũ Luda bàka kunna kũńwo dufu pì yã ò, à a káakupↄ zĩ bò. Pↄ́ kũ à zĩ kũ̀ à bùsa, a kpana gui zã̀ro.
