Akaebulania 8

1

2

3

4

5

6

7

8

9

10

11

12

13

¹Kilebe kikolongwa mu ganga agatulengagano nga chenje, twe tukweti Nkung'i Nkolongwa jwa aina jenie, jwenio atama luboko lwa kalelo lwa kitebu chi kingwana chu Ukolongwa kumbengu.

²Jwenio abegele liengo li ukung'i paali pa Chwapi muno, yani liteba lya kweli elichengigwe na Angwana, ngiti na munduje.

³Kila nkung'i nkolongwa apambuligwe kumpangi hupo ni inyama ku Nnoongo, yene Nkung'i Nkolongwa jwito mpaka na jwenio abe ni kilebe chukupanga.

⁴Anda jwenio akabi jwa padunia pano, akaba nkung'ije, kwani babi akakung'i bange abapanga lilumbo tela na Malagilo. Maengo gabe ga kikung'i nga kulandanakia tu na kiwili cha gaga agabi kumbengu.

⁵Maengo gabe ga kikung'i nga kulandanakia tu ngi kiwili cha gaga agabi kumbengu. Magambu Musa apabandakila kuchenga lihema lela, Nnoongo ngannengela, “Ntendekee kila kilebe kulaya kilandanakio uchache chenannaita kukitombi.”

⁶Nambu ngoe Yesu bampi liengo li ukung'i elibi chwapi kupeta lyabe, andi lilagano elileta kuchikachana kati ja bandu na Nnoongo lyambone muno, gambu libi nikijemo chakwe chambone muno.

⁷Magambu anda lilagilo lela lyu kutumbula lyakabije na lilemwa, kabi kubije kabele ni lilagano lya pabele.

⁸Nambu Nnoongo ngagabona malemwa ku bandu bakwe ngalenga, “Machoba gaika, balenga Angwana, penia mameka lilagano lihyono na bandu buku Isilaeli na bandu buku Yuda.

⁹Libije lilagano andi lyale elindeila na akahoko mundu panakamula luboko kaboyanga baboke ku Misili. Magambu baaminikije mulilagano lyango, na yene nenga na nhagabije, balenga Angwana.

¹⁰Lende nga lilagano elimbakutenda na bandu ba ku Isilaeli machoba agaika, balenga Angwana, mameka malagilo gango mumalango gabe, nukubeka mumyojo jabe. Nenga mamba na Nnoongo jwabe, nabenia mababa bandu bango.

¹¹Abije ngu jwapakummola nkola kilambo nnyakwe, wala jwapakunnenge nnung'una gwakwe, ‘Mummanye Nngwana.’ Magambu boa, akachokochoko na akakolongwa, mabamanya nenga.

¹²Manalekekea mabaja gabe, nikombokeje kabele mabaja gabe.”

¹³Ku kulenga nhwalo gwa lilagano lihyono, Nnoongo ngaliboya lyale likutumbula, na chachoa chikilalite nu kube cha kalakala kibandaki kuboigwa.