Ezekiel 15

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

¹Migkaǥi is Nengazen kayi te kedì te,

²“Sikew is etew, hengkey he paaǥi is igkehimu te subpang te paras he lavew te minsan hengkey he subpang te kayu?

³Egkehimu ve he ebeelan is subpang kayi he minsan hengkey he ǥelemiten? Egkehimu ve heini he ebeelan he selenggatà?

⁴Kenà heini egkehimu! Egkehimu zà heini he idtavun, piru minsan pa ke igketavun heini meǥaan dà heini ed-ugmas.

⁵Ne emun wazà kayi pulus dutun te wazè pa heini metutung ne lavew en he wazè din pulus emun egketutung en!

⁶“Guntaan, siak, is Nengazen he MEGBEVAYÀ, egkaǥi a he is menge meǥinged diyà te Jerusalem, neiring te paras he midtuvù duma te menge kayu ziyà te ketelunan. Ne geina te pudu zan wazà pulus ne pudu ku ebinsuli.

⁷Uya, edsilutan ku sikandan, minsan egkepeleǥuyan dan is hapuy, egkeepur ǥihapun sikandan te ikezuwa he hapuy. Ne zutun egketuenan dan he iyan a Nengazen.

⁸Edhimuwen ku he mekevulungbulung he lugar is nasyun dan su midluivan e zan. Iyan a, is Nengazen he MEGBEVAYÀ, is migkaǥi kayi.”