زەبۇر 98:1-4

¹داۋۇت يازغان كۈي‫‪:‬‬ ــ پەرۋەردىگارغا ئاتاپ يېڭى ناخشا ئېيتىڭلار؛ چۈنكى ئۇ كارامەت مۆجىزىلەرنى ياراتتى؛ ئۇنىڭ ئوڭ قولى ھەم مۇقەددەس بىلىكى ئۆزىگە زەپەر‫‪‎-‎‬‬نىجات كەلتۈردى.

²پەرۋەردىگار ئۆز نىجاتلىقىنى ئايان قىلدى؛ ھەققانىيىتىنى ئەللەرنىڭ كۆز ئالدىدا ئاشكارا كۆرسەتتى.

³ئۇ ئىسرائىل جەمەتىگە بولغان مېھىر‫‪‎-‎‬‬مۇھەببىتىنى ھەم ھەقىقەت‫‪‎-‎‬‬ساداقىتىنى ئېسىگە ئالدى، زېمىننىڭ چەت‫‪‎-‎‬‬ياقىلىرىمۇ خۇدايىمىزنىڭ نىجاتلىقىنى كۆردى.

⁴پەرۋەردىگارغا ئاۋازىڭلارنى كۆتۈرۈڭلار، پۈتكۈل يەر يۈزى؛ تەنتەنە قىلىپ ئاۋازىڭلارنى كۆتۈرۈڭلار، ناخشا ئېيتىڭلار!