زەبۇر 31:19-21

¹⁹ئۆزۈڭنى باشپاناھ قىلغانلار ئۈچۈن ئىنسان بالىلىرىنىڭ كۆز ئالدىدا كۆرسەتكەن ئىلتىپاتلىرىڭ، يەنى ئۆزۈڭدىن قورقىدىغانلار ئۈچۈن، ساقلىغان ئىلتىپات‫‪‎-‎‬‬نېمەتلىرىڭ نەقەدەر مولدۇر!

²⁰سەن ئۇلارنى ئىنسانلارنىڭ سۇيىقەستلىرىدىن ئۆز ھۇزۇرۇڭدىكى يوشۇرۇن دالدا جايغا ئالىسەن؛ سەن ئۇلارنى تىل‫‪‎-‎‬‬ئاھانەتلەردىن سايىۋىنىڭدە يوشۇرۇپ قويىسەن.

²¹پەرۋەردىگارغا تەشەككۈر‫‪‎-‎‬‬مەدھىيىلەر يوللانسۇن! چۈنكى ئۇ ئۆزگەرمەس مۇھەببىتىنى زۇلمەتلىك بىر شەھەردە ئاجايىب نىمايەن قىلدى!