ПСАЛТЫР 84:1-10

¹Кіроўцу хору. Сыноў Карэевых. Псальма.

²Госпадзе! Ты ўмілажаліўся зь зямлі Тваёй, вярнуў палон Якаваў;

³беззаконьне народу Твайго дараваў, усе грахі ягоныя пакрыў,

⁴гнеў Твой увесь суняў, адвярнуў лютасьць гневу Твайго.

⁵Узнаві нас, Божа ратунку нашага, і спыні абуранасьць Тваю намі.

⁶Няўжо вечна будзеш гневацца на нас, і пашырыш Твой гнеў з роду ў род?

⁷Няўжо зноў не ажывіш нас, каб народ Твой зарадаваўся Табе?

⁸Пакажы нам, Госпадзе, ласку Тваю, і даруй нам выратаваньне Тваё.

⁹Паслухаю, што скажа Гасподзь Бог. Ён скажа мір народу Свайму і выбранцам Сваім; і няхай не ўпадуць яны зноў у неразважлівасьць.

¹⁰Сапраўды, выратаваньне Ягонае блізкае тым, хто баіцца Яго, каб слава Ягоная жыла ў нашай зямлі.