Sabóor 84:1-10

¹Mu jëm ci njiital jàngkat yi, ànd ak xalam gu ñuy wax gitiit, ñeel askanu Kore wu góor.

²Aji Sax ji Boroom gàngoor yi, yaaka sopplub dëkkuwaay!

³Damaa namm ëttub Aji Sax ji, di ko gelu ba jeex tàkk, jëmm jeek xol bi, di xaacul Yàlla jiy dund.

⁴Éy Aji Sax ji Boroom gàngoor yi, sama buur, sama Yàlla, sawoor sax tag, nga fat ko, mbelaar it sàkk tàggam, denc ay cuujam fa sa sarxalukaay.

⁵Ndokklee ku dëkke sa kër, di la màggalati. Selaw.

⁶Ndokklee ku lay doolewoo, te namma topp njool ma jëm sa kër.

⁷Buy jàll xuru Jooyoo, mu saf ko bëti ndox, céebo sànge xur wa barke,

⁸muy gëna am doole, ba teewi fa Yàlla ca Siyoŋ.

⁹Éy Yàlla Aji Sax ji Boroom gàngoor yi, déglul, ma ñaan la! Yàllay Yanqóoba, teewlu ma. Selaw.

¹⁰Éy Yàlla, geesul Buur, sunu kiirlaay, ngalla niiral kii nga fal.