SALAMO 84:1-10

¹Iehova Sabaota e, emu noho gabuna na mai hairaina.

²Lau laumagu na e ganaḡanamu, Iehova ena maḡu e mase heniamu; lalogu bona hidiogu na moale anedia e abimu, mauri Diravana ena.

³Iehova Sabaota e, egu pavapava, egu Dirava, bisini na ena noho gabuna e davariamu, emu pata helaḡana enai; aibisi danu ena ruma unuseni ai e karaiamu, bona natuna e havaradiamu.

⁴Emu ruma ai e nohomu taudia na nanamo, idia ese oi ihanamomu anedia e abi hanaihanaimu. (Selah)

⁵Edia goada oiemu amo e abiamu taudia na nanamo, Siona ilao-henina daladia na idia lalodia ai.

⁶Baka kourana e rakaia hanaimu negana ai, idia ese ranu lohilohi gabuna ai e halaoamu; medu matamana ai danu, una koura na gohugohu ai e hahonuamu.

⁷Edia goada na e bada e laomu; dirava edia Dirava na Siona ai baine hedinarai.

⁸Iehova Sabaota e, egu guriḡuri a kamonaia; Iakob ena Dirava e, a hakala henigu. (Selah)

⁹Dirava e, emai kesi a itaia; o horoa tauna vairana ba haḡerea.

¹⁰Badina be dina tamona emu maḡu ai ese dina daha idau gabu ai na e hereadiamu; egu Dirava ena ruma iduarana inarina ai bama lao hari namo herea, a kara dika taruhadia ai bama noho na dia namo.