يَبُرَ 84:1-10

¹كٌرَ شَ دِيٍ شَ بّيتِ بّيتِبَيٍ شَ مَنفّ بّ. عَ شَ بَ مَشَسٍ لُوتِ دَاشِ شُي رَ.

²مَنفّ عَلَتَلَ، عِ شَ لِنفِرَ تٌقَن!

³ﭑ وَ مَ سٌقٍ عِ شَ تّتّ كُي ﭑ بْحّ بِرِن نَ. نَ وَشْنيِ مِنِمَ ﭑ دّ عِ عِ تَن عَلَ نَن بّ، عِ تَن نَشَن حِحّ عَ رَ.

⁴هَلِ شْنِ شُنشُرِيٍ عَلْ تُرُننَ نُن دٍبٍلِنيِ عٍ تّي سَمَ عِ شَ سّرّشّبَدٍ سّيتِ مَ عٍ شَ دِيٍ لُمَ دّننَشّ. عِ تَن عَلَتَلَ سّنبّمَ، ﭑ مَ مَنفّ نُن ﭑ مَرِفِ،

⁵سّيوّ نَ مِشِيٍ بّ، نَشٍيٍ سَبَتِشِ عِ شَ بَنشِ كُي. عٍ لُمَ عِ مَتْشْ رَ دّننَشّ عَبَدَن. حّنفِ رَتٍ.

⁶سّيوّ نَ مِشِيٍ بّ نَشٍيٍ سّنبّ لَنشِ عِ تَن عَلَ مَ، نَشٍيٍ كِرَ سُشُشِ سِفَقٍ رَ سَلِدٍ شُنفبٍ.

⁷عٍ بَكَ فُلُنبَ عِفِرِ مَ تّمُي نَشّ، عٍ يٍ دُلٌنيِيٍ تٌ نّ، تُنّ يٍ فبٍفبٍ بَرَ نَا رَقٍ.

⁸عٍ كٍلِ يِرٍ قَنيِ ندٍ، عٍ سِفَ يِرٍ قَنيِ فبّتّ. عٍ نَ بِرِن تٌ نّ كِرَ شْن سِفَقٍ رَ عَلَ يِرٍ عٍ عٍ يّتّ مَسٍن عَ بّ دّننَشّ.

⁹ﭑ مَرِفِ عَلَتَلَ سّنبّمَ، ﭑ مَ دُبّ سُشُ! يَشُبَ مَرِفِ عَلَ، عِ ﭑ مَ مَشَندِ رَ مّ. حّنفِ رَتٍ.

¹⁰عَلَ، هِننّ عِ شَ مِشِ سُفَندِشِ رَ نَشَن قِندِشِ مُشُ شَ وُرٍ لٍقَ رَ.