Psalm 84:1-10

¹Psalm Lun Tulik Natul Korah Yoklana lungse luk nu ke Tempul lom, O LEUM GOD Kulana!

²Nga kena ma lulap in muta we. Ngunik asroela ac mulalla ke nunkeyen inkul sin LEUM GOD. Ke insiuk ac kuiyuk nufon nga on ke engan Nu sin God moul.

³Finne won sparrow elos orala ahng lalos we, Ac won swallow elos konauk sie acn selos. Elos karingin won fusr natulos apkuran nu ke loang lom, O LEUM GOD Kulana, Tokosra luk ac God luk.

⁴Fuka lupan engan lalos su muta in Tempul lom. Elos on ac kaksakin kom pacl e nukewa.

⁵Fuka lupan insewowo lun mwet su ku lalos tuku sum me, Su kena oru fufahsryesr lalos nu Fineol Zion.

⁶Ke elos fahsr sasla infahlfal pao in Baca, Acn we ekla nu ke sie acn oasr unon we, Ac ke pacl in af uh, sessesla acn uh ke lulu in kof.

⁷Ke elos fahsr, ku lalos yokyokelik, Ac elos ac fah liye God lun god uh in Zion.

⁸Lohng pre luk, O LEUM GOD Kulana. Porongeyu, O God lal Jacob.

⁹Akinsewowoye tokosra lasr, O God — Tokosra se su kom sulela.

¹⁰In muta len sefanna in lohm sum Wo liki na in muta ke tausin len in kutena acn saya. Nga lungse in tu na ke mutunpot in lohm sin God luk Liki na nga in muta in lohm sin mwet koluk.