YAASINƆ 23:21-35

²¹zaakũ wɛ̃dɛri kũ lɛ́'ideo dì gↄ̃ takasidenↄ ũ, ń mɛ̀kpɛtɛɛ dì ń da utakasadanammɛ.

²²Ǹ n de'ina yã ma, tó n da zĩ kũ̀, ǹsun a gya boro.

²³Ǹgↄ̃ yãpura wɛtɛ, ǹsun ↄ gbarɛiro, ǹ ↄ̃ndↄ̃ kũ kũ yãdadanaao kũ wɛ́zɛ̃o.

²⁴Gbɛ̃ mana de pↄ dìgↄ̃ nna manamana, gbɛ̃ kũ à nɛ́ ↄ̃ndↄ̃de ì pↄ dìgↄ̃ nnaamɛ.

²⁵Ǹ tó n de kũ n dao pↄ kɛmma nna, ǹ tó n da'ina ayuwii kɛmma.

²⁶Ma nɛ́, ǹ n nɛ̀sɛ wɛ̃mɛnɛ, n wɛ́ gↄ̃ tɛ́ ma yãkɛnaai,

²⁷zaakũ karua bi wɛ̀ɛ lòkotoomɛ, nↄ pãpãkɛri bi lↄ̀gↄ sↄrↄrↄmɛ.

²⁸Àdi gbɛ̃ kpákpa lán kpãni wɛ́dewɛ bà, àdi tó gↄ̃gbɛ̃nↄ gↄ̃ náani sari dasi.

²⁹Dín òdi waiyoo kɛnɛɛ? Dín òdi o'o kɛnɛɛ? Dí mɛ́ à lɛ́kpakↄ̃ana vĩi? Dí mɛ́ à zuka vĩi? Dí mɛ́ àdi kĩnna pãa? Dí wɛ́ mɛ́ à tɛ̃raa?

³⁰Gbɛ̃ kũ òdi gì kɛ wɛ̃mikianↄ, kũ òdi gɛ́ kpátɛ kɛ sèwɛ̃ yãkatɛnanↄimɛ.

³¹Ǹsun wɛ́ biri sèwɛ̃a de a tɛ̃rakɛ n ni dɛro, zaakũ àdigↄ̃ pípi zaa tùruu gũn, akũsↄ̃ a gɛ̃na lɛ́n dìgↄ̃ nna.

³²Ani láka saka tↄ̃mma lán mlɛ̃̀ɛ bà, ani n gbã à n kũ lán pitiko bà.

³³Ĩni wɛ́ kɛ pla kũ pↄ́ kũ ńdi e yãroo, ĩni laasun kpɛdangara lɛ́ n swɛ̃̀n.

³⁴Ĩnigↄ̃ de lán gbɛ̃ kũ à wutɛna gón ísira musu bà, lán gbɛ̃ kũ à kú gó'itɛ biza mìsↄ̃ntɛa bà.

³⁵Ĩni pi: Ò ma gbɛ̃, adi ũmaro, ò ma kɛ búgubugu, mádi a wari maro. Bↄrɛn ma wɛ́ ni were de mà í wɛtɛ mà mi dↄↄ?