Taalie 23:21-35

²¹Na mixi mɔɔlie findima nɛ setaree ra, e xa tunnaxɔnɛya a niyama nɛ dunkobi gbansan nagoro e ma.

²²I i tuli mati i baba ra naxan i barixi, i naxa yo i nga ma a na fori.

²³Nɔndi, lɔnni, xaranyi, nun xaxili fanyi fen, i naxa mɛɛ e ra.

²⁴Tinxintɔɛ baba sɛɛwama nɛ, xaxilima baba ɲɛlɛxinma nɛ.

²⁵I xa fe birin naba alako i baba nun i nga xa sɛɛwa, i bari mixie xa lu ɲɛlɛxinyi kui.

²⁶N ma di, i i bɔɲɛ rabi n bɛ, i xa i ya ti n ɲɛrɛ ki misaali ra.

²⁷Langoe ginɛ findixi gantanyi nan na, ginɛ yɛnɛxi i rabirama nɛ.

²⁸Na ginɛ mɔɔli i yanfama nɛ alɔ muɲɛti, a a niyama nɛ xɛmɛ gbegbe xa findi yanfantee ra.

²⁹Nde tɔɔrɛ nun nimisɛ sɔtɔma? Nde luma gere nun kalamui ya ma? Nde bɔnbɔɛ fufafu sɔtɔma? Nde ya gbeelima nɛ soe?

³⁰Siisilae nan luma na mɔɔli sɔtɔfe ra, beere mɔɔli birin ɲɔxunxi naxee bɛ.

³¹I naxa i ya ti wɛni gbeeli ra, naxan min mu xɔnɔ.

³²A mixi xinma nɛ alɔ bɔximase, a i bun alɔ tali.

³³I yae see toma naxee mu na duniɲa, i xaxili ifuma nɛ.

³⁴I luma nɛ fa alɔ xɛmɛ naxan saxi kunkui kui baa mɔrɔnyie fari.

³⁵Siisila nan a falama, «E bara n bɔnbɔ, kɔnɔ sese mu n toxi. N xunuma mun tɛmui? N man wama beere nde xɔn.»