Mark 9

1

2

3

4

5

6

7

8

9

10

11

12

13

14

15

16

¹a hla ni ba wu ndi janji mi hlahni yiwu ba ri ni minbi bana to iqu rhi nda to ye iko irji ni gbengle ma na

²da vi tane a kle yesu a vu Bitrus mba yakubu u Yohanna nda ngrji ba ka hon ni khikle gblu ri ni nkle ba hama ni ko ni doir ni ba niki ikpama a kma sraro

³e nklon ma a kma zan kinkla rais zan ibluch wandi ba tindu ni wu da chu itsro wandi a centu ni mi ikpi wu gla

⁴ba kri toh Elijah mba Musa ni mi mba ba si tre ni yesu Bitrus lukri da

⁵kpanyem ni yesu rabbi ani bi du ta khi ki niwayi wu ta kpanyem wu ka duta sro ibru itra niayi iri wu me iri wu Musa e iri wu Elijah

⁶shishi ma a fontsii nda du lu tre to ki

⁷ikpa lu a lu kri kaba pyenpeme e ba lu wo lantre ni mi kpaa an di

⁸uwayi hi vren wu sron mu wo tre ma yi ba kma ya bana la to ndior na sai yesu

⁹ni andi ba kma si grjhi rjhi ni tu gblua a mhmba du ba na hla ni ndoir ikpi wandi ba to ni tu ngblua na sei vren ndi ta shimen ni qu

¹⁰ba kpa tre a grji sron da ki tre ndi tashen yi ni qu a gye?

¹¹ba lu mye ni dongye nikon bi nha vunvu ba tre ndi Elijahni guci ye

¹²a kma hla bawu andi elijah ni ye guci da ye mla kpi ti amain gye sa ba rhe ndi vren ndi ni guci ti ya kpukpome u ba kpa a tsiri

¹³mi lha niyiwu Elijah a yeye u ndi ba thi ekpi wandi ba son ti niwua tsra ni kpi ani ba hla ni tuma

¹⁴da ba ye zon tu ni nbru mri ko bi huzama ba ye to ndi gbugbuwu ba bi niko bi nha vuvu ba si sen nyu ni ba

¹⁵da ba to yesu ipentren di ba ghir nda tisutsu ye cie

¹⁶a mye mri ko ma bi huzama di bisi senyu qyemu ni ba?

¹⁷indi ihii ni mi gbugbu ndi ba sa wu da tre ndi ndi wu tsoro mi nji vren mu ye ni wu a hei ni suron ibrji wandi ani zu bubu tre

¹⁸a nita lu niwu a ni ban u whurtaga da du ta zran da fu nfom ni nyu da tan nyere du kma kru kpen me mi mye mri ko me do ba zu mcmebrji rju u ba ti wa kran

¹⁹a si tre ni bawu ndi kba bi hon kpanye ni son ni yi tsar ni tan? mi vu sron ni yi hi ni tanmu? njivren ye nimu

²⁰ba nji vivren ye niwu ni tu yesu meme brji a kri tru ku kma vivren a rjoku da zran da ni kran nfo ni nyu

²¹yesu a mye thima azi he toyi rji ni tan? ti ma a halawu ndi rhi ni tistea

²²a nita lu nivu ani ban wu taga ni lu ani bawu yo ni ma kama ani wuuu wuta ni ti kpe ni tu ma wuka ya ta ni lo suron ni sikpa

²³yesu a myee wuta ni to ti ko nge na zan gbenglen na ni indi wandi a kpanyema

²⁴hari iti vren a dbu da tre ndi mi kpanyme zo khanyme mu

²⁵da yesu a to ikpa ndi ba tsutsu si ye ni ba a kri nacho ni meme ibrji nda tre di wu brji manbi ba nkpram me nacho ni wu rhu ni kpa ma dina la kma ri na

²⁶a kpagro da ru do vivren joku ku kpin kpiri nda rhu ni kpama vivren a kru naa que u gra ndi ba tre di a qui

²⁷aman yesu a zu wama hon u vivren a lu de kirkir

²⁸da yesu a kmaye ni ko mri koma ba mye ni kosan angye zuta bubu zu rhu?

²⁹a lha ba wu ndi bibiyi ba na zu ba rhu megen na sai de ni bre irji

³⁰ba rhu niki nda zren zu ni Galilee ana son do ndi du ba toh wrji wandi ba hye na

³¹a sira tsro mri ko bi hua da ila bawu ndi vivren ndi ni ku ni woh mri ndi ba wuu u ni vi u tra ani tashmem da lunde ngari

³²bana to tu tre a na siri zuba bubu myea

³³mle bari ni capernaum da ba rhi niko a mye ba ndi bisiyatre ni tu gye niko?

³⁴ba kma khi ni gbangbi ba siya sen nhu ni kpamba ni tu nha zan mbrumba

³⁵a kuson da yo mri ko ma itso ba nda bha bawu ndi wa nison hye mu mlan ka kma tuma yo kogon da tindu ni mbru ba

³⁶a ban vivren tsitsa nda kau zi ni tsutsu mba nda baun nji ni ngban ma nda tre ndi

³⁷ko nha wandi a kpa vivren tsitsa yi ni ndemu a kpa me ndi wa a kpa me ana me megen a kpa na a kpa ndi wa ton me

³⁸Yohana hla ni wu di tico u khi to ndi rhi si zu brji ni rhu ni kpa ndi ni ndeme khi zuu ndi a ana huta na

³⁹yesu asa niwu da tre ndi na zuu na ndi wandi a ni ti khikle kpe ni ndemu ana kman tre kpe meme ni tu muna

⁴⁰ndi wandi ana komani ta na a wubu

⁴¹ko nha wandi anuyi kofima u so ni ndemu nitu bi hye wu kristi mi lha tre janji ni yiwu ana hon kpa lidima na

⁴²indi wandi a do iri tsitsa biyi biwandi ba kpa nyme ni me ba kubuza ani zan do ba nkpi tita glo ni toh ma nda tru yo ni lon ma

⁴³e wome nita do kbuza ha taga ani zan wuka ri ni ko rji ni kpurhuwo ni do riko lu wandi ana kle na ni wome bambawu

⁴⁴chiche vunvu mumla bi bana hye nitre aya 44 hi ni 46 na bubu wandi intso bi andi ba he nike bana kwu na e lu na ybe na

⁴⁵iza me nita du kbu za han ihu ani bi zandu ri ni ko irji hama ni za ni du he ni za me hamba e baka truyo ni mi lu

⁴⁶chiche vunvu bi sen wa ba bizen bana he ni nha 44 mba 46 na wa ntson mba bana kwuna e bana ybi lu ma na

⁴⁷shishi me nita du kbu 39 chuu rhu ani bi zan wuke ri ni ko irji ni shishi ri ni du hye ni shishi ha ni do ba truu yo ni lu

⁴⁸wandi ba tson niki bana kwu na ilua na ybi na

⁴⁹ba hii ko nha ni ma wu ba gon toni ma

⁵⁰ima bi anita chu ro ma ru wu kmaahi ro ngari? he nii ro ma ni kpambi ni du sisuron hei ni minbi