Text copied!
CopyCompare
Paipel - Kölfel

Kölfel 64

Help us?
Click on verse(s) to share them!
1Ngeni ewe mi emweni chon köl: Echö än Tafit köl. Ai Kot, kopwe aüselingaei, lupwen üa pwäri ngonuk ai osukosuk. Kopwe tümwünü manauei, pun üa niuokus ren chon oputaei,
2kopwe aopaeila seni än ekewe aramasangau rawangauaei, seni ewe mwichen chon föföringau mi akürang.
3Ra seimi chönawer pwe ra ken usun chök ketilas, ra awena ar kapas mi ngau usun chök föün esefich,
4pwe repwe pekki ätewe esap wor an tipis seni ar lenien op, ra müttir pekki i, nge resap niuokus.
5Ra apöchökülafengeniir lon ar ekiek mi ngau, ra kapas usun ar repwe föri ekewe sär lemonomon o apasa, “Esap wor eman a tongeni künakich?”
6Ra rawangau won mine a pwüngingau o apasa, “Sa ekiekietä eu akot mi unusöch.” Ellet ekiek me leluken aramas ra men atuputup.
7Nge Kot epwe esefichi ngeniir wokun föün esefich pwe repwe müttir kinas.
8Epwe atoto wor feiengau pokiten kapasen awer, nge meinisin mi küneer repwe nünüti mökürer.
9Mürin, aramas meinisin repwe niuokus. Repwe ekieki mine Kot a föri o apworausa usun.
10Ekewe chon pwüng repwe pwapwa ren mine ewe Samol mi Lapalap a föri, repwe pwal op ren. Nge ekewe mi wenechar leluker repwe mwareiti.