1Bochan Job ni ka ri duwgiliy u wan’ ni bfel’ e rok, me pag fa dalip i pumo’on ni da ku ra guyed rogon ni ngar fulweged laman.
2Ma bay be’ nib mo’on ni ba sak’iy u rom ni Elihu fithingan ni dakiyag ni nge k’adan’ ko damumuw, ni bochan e be yog Job ni ir e bfel’ ma be tay e kireb nga daken Got. (Elihu nib pagel ni fak Barakel, ni reb i owchen Buz, ni be’ ko fare ke girdi’ ku Ram.)
3Ma karki damumuw ngak fa dalip i fager rok Job. Da ku ra nanged rogon ni ngar fulweged lungun Job, mra aw ni Got e ba kireb e rok.
4I son Elihu ni nge mu’ e girdi’ ko numon, ni bochan e ir e tha’bi bitir u rom.
5Nap’an e guy ni dakiyag ni nge fulweg fa dalip i pumo’on lungun Job me damumuw
6me tabab ko welthin. Elihu Gub bitir, me gimed bpi’lal, ere u gu rus ni nggog ngomed e n’en ni gu be leamnag.
7Ku gu leamnag ni gimed e ngu’um nonnad ya gimed bpi’lal ni gimed ba gonop.
8Machane kan nthothup rok Got ni Gubin ma Rayag Rok e ma yib ngodad nge pi’ e gonop ngodad.
9Gathi ra yo’or e duw rok be’ ma aram e ke gonop ara aywegdad ngad nanged e n’en nib manigil.
10Ere chiney e gu ba’adag ni ngam motoyilgad ngog; nggog ngomed e n’en ni bay u lanin’ug.
11Ku’ug gum’an nigeg ku’ug motoyil ngomed nap’an ni gimed be non ni gimed be gaweg ko mang e bfel’ ni nga moged.
12Ku gu fal’eg e motoyil ma ku gu nang ni kam waergad de yag ni ngam t’ared nga daken Job.
13Mang e ke rin’ ma ka moged ni kam pir’eged e gonop? Got e thangri fulweg lungun Job, ya gimed e de yag romed.
14Gathi gag e be non Job ngog, ya gimed machane fulweg rog e ri dabi bod rogon e fulweg ni mu pi’ed.
15Job, kema’ e thin u langrad; dakriy e fulweg rorad ngom.
16Gur, ngu’ug par ngug son ni be’er ni kar th’abed gulungrad? Ka ra sak’iygad aram ni dakriy e n’en ni ngroged.
17Danga’, ngu pi’ e birog e fulweg e chiney ngog ngom ko mang e gu be leamnag.
18Dabkiyag ni nggu par ni dab gu non. Dabkiyag ni nggu tel e thin u langag.
19Fa’anra dab ni pageg nggu non, ma bay gu po’ ni bod ba tafen e wayin nike sug e wayin ni be’ech riy.
20Dabkiyag ni gu kadan’ug; thingar gu non.
21Dariy be’ ni nggu fol ngak ko re malu’egthin ney; dab gu pi’ bigmed ngalang ko thin.
22Dagnang rogon i pi’ be’ ngalang ko thin; ma fa’an gu ra rin’ ma Got e ra gechig nageg nib papay.
