Awulɑɑ I 3

1

2

3

4

5

6

7

8

9

10

11

12

13

14

15

16

17

18

19

20

21

22

¹Ḿpʋ́ɣʋ́ Sɑlʋmɔŋ kpɑɣɑ Icipiti wulɑʋ pɛɛlɔ. Ɩlɛnɑ ɑkpɑɣɑlɛ ntɛ́ tǝ́ kpɛntɩ ɑwulɑɑ mpɛ pɑ nɑɑlɛ. Ntɛnɑ Sɑlʋmɔŋ ponɑ ɑlʋ ɩnɩ nɑ ɩ́ sɩɩ-ɩ Tɑfiiti tɛɣɛ Yosɑlɛm. Hɑlǝnɑ ɩ́ tɛɛsɩ kɑwulɑɣɑ tǝyɑɣɑ, nɑ Ɩsɔ tǝsɛɛlɛ nɑ ɩcɑtɛ koluŋɑ kɛ ŋmɑʋ.

²Sɑlʋmɔŋ kɑ sɔɔlɑ Tɑcɑɑ kɛ́ nɑ ɩ́ tǝŋǝɣɩ ɩ cɑɑ Tɑfiiti ɩkpɑtɛ. Pɑɑ nɑ mpʋ tɔ, lonɑ pɑɣɑlɛ tɑɑ kɛ́ ɩ nɑ yǝlɑɑ pɑ lɑkɑɣɑ pɑ kɔtɑsɩ kɛ wɑɑtʋ ɩnɩ. Mpi tɔ, pɑ tɑ ŋmɑtɑ Tɑcɑɑ kɛ ɩ tǝsɛɛlɛ.

⁴Ḿpʋ́ɣʋ́ kʋyɑkʋ nɑkʋlɩ Sɑlʋmɔŋ polɑ Kɑpɑwɔŋ kɛ kɔtɑɣɑ lɑpʋ. Tɛtʋ tǝnɑ tɑɑ kɔtɑɣɑ tǝlɑtɛ sɔsɔɔlɛ ntɛ́ tǝnɑ. Hɑlɩ Sɑlʋmɔŋ lɑpɑ tǝnɑɣɑ kɔtɑɣɑ ŋkɑ kɔkɔ lusɑ kɑ tǝnɑ tɔ.

⁵Kɑpɑwɔŋ tǝnɑɣɑ Tɑcɑɑ lɩɩ Sɑlʋmɔŋ tɔɔ kɛ́ ɑhoo kɛ toosee tɑɑ, nɑ ɩ tɔmɩ-ɩ sɩ: Sǝlǝmɩ-m mpi n cɑɑ tɔ.

⁶Ntɛnɑ Sɑlʋmɔŋ sɩ: Kʋpɑntʋ sɔsɔɔntʋ kɛ n lɑpɑ mɑ cɑɑ Tɑfiiti, kɛ timpi ɩ tǝŋɑ tɑmpɑnɑ nɑ lotu kʋlʋmtʋ, nɑ ɩ́ lɑkɩ kʋpɑntʋ tɔ. Hɑlɩ n hɑ-ɩ ɑpɑlʋpǝyɑɣɑ, nɑ kɛlɛ kɑ́ lɛɛtɩ ɩ lonte tɑɑ, ɩsɩɩ pǝ wɛʋ sɑŋɑ ɩsǝntɔ tɔ.

⁷Hɑɩ mɑ Ɩsɔ Tɑcɑɑ, mɑɣɑlɛ n kpɑɣɑɑ nɑ ń lɛɛtɩ mɑ cɑɑ lonte tɑɑ. Anɩ mɑ kɛ́ pǝyɑɣɑ kɛ́ nɑ hǝlǝm nɑ nɔɣɔ.

⁸Pǝyele nyɑ́ yǝlɑɑ kʋlǝsɑɑ mpɑ pɑ tɔɔ mɑ tɔkɩ kɑwulɑɣɑ tɔ, pɑ́ wɛ tuutuumɑ kɛ́ pɑ fɛɩ kɑlʋɣʋ.

⁹Mpʋ tɔ, hɑ-m lɑɣɑtʋ, nɑ kʋpɑntʋ nɑ ɩsɑɣɑtʋ pǝ cɛkǝnɑʋ. Ɩlɛnɑ mɑ́ pǝsɩ nɑ mɑ́ pɑɑsǝnɑ nyɑ́ yǝlɑɑ sɑmɑɑ tuutuumɑ ɩnɛ.

¹⁰Ḿpʋ́ɣʋ́ Tɑcɑɑ lɑŋlɛ hɛɛnɑ Sɑlʋmɔŋ sǝlǝmʋɣʋ ŋkʋ.

¹¹Ntɛnɑ ɩ́ tɔ́ sɩ: Timpi n sǝlǝmɑ lɑɣɑtʋ sɩ n tǝŋǝɣǝnɑ tɑmpɑnɑ, n tɑ sǝlǝmɩ weesuɣu kʋtɑɣɑlʋɣʋ, yɑɑ wɛnɑʋ, yɑɑ nyɑ́ kolontunɑɑ ɩ́ sɩ tɔ.

¹²Mɑɑ tʋ-ŋ lɑɣɑtʋ nɑ nyǝm mpi too nɔɣɔlʋ tɑ hikitɑ tɔ. Pǝ́cɔ́ nɔɣɔlʋ kɑɑ tɑsɑ-wǝɣɩ hikuɣu tɔ.

¹³Pǝlɛ pǝ pɑɑsi, mɑɑ hɑ-ŋ mpi n tɑ sǝlǝmɩ tɔ. Wɛnɑʋ nɑ teeli, wulɑʋ nɔɣɔlʋ ɩ kɑɑ nǝɣǝsǝnɑ-ŋ, hɑlǝnɑ nyɑ́ sǝm.

¹⁴Ye n tɔŋ mɑ mpɑɑŋ tɑɑ, nɑ n tɔkɑ mɑ kʋtʋtʋtʋ nɑ mɑ kʋsǝsɩɩtʋ, ɩsɩɩ nyɑ́ cɑɑ Tɑfiiti, ɩlɛ mɑɑ yele nɑ nyɑ́ weesuɣu tɑɣɑlɩ.

¹⁵Sɑlʋmɔŋ femɑ, ɩlɛ sɛsɛ toosee ntɛ. Ɩlɛnɑ ɩ́ mǝlɩ Yosɑlɛm, nɑ ɩ́ lɑ́ ɩ wɑɑlɩ nyǝ́mɑ tǝnɑɣɑ ɑcimɑ.

¹⁶Ḿpʋ́ɣʋ́ kʋyɑkʋ nɑkʋlɩ ɑpɑlɑɑ tǝnɑ ɑlɑɑ nɑpǝlɩ pɑ polɑ wulɑʋ tɛɣɛ nɑɑlɛ.

¹⁷Ɩlɛnɑ pɑ tɑɑ lɛlʋ tɔ sɩ: Hɑɩ, mɑ́ lɑ-ŋ kɑɑfɑlɑ tɑ́ cɑɑ. Mɑ nɑ ɑlʋ ɩnɛ tǝ wɛnnɑ tǝyɑɣɑ kʋlʋmɑɣɑ tɑɑ, nɑ mɑ́ lʋlɩ ɑpɑlʋpǝyɑɣɑ.

¹⁸Kʋyɛɛŋ nɑɑlɛ tɛɛwɑ, ɩlɛnɑ ɩnɩ ɩ́ lʋlɩ ɑpɑlʋ tɔtɔ. Nɑ tɑ nɑɑlɛ tǝ́ wɛɛ mpʋ. Kpɑɩ tʋ nɔɣɔlʋ tɑ sɔɔsɩ tɑ tɔɔ.

¹⁹Ḿpʋ́ɣʋ́ ɩ hǝntɑ ɩ pǝyɑɣɑ tɔɔ kɛ́ ɑhoo nɑ kɑ́ sɩ́.

²⁰Ɩlɛnɑ ɩ́ kpɑɣɑ mɑ pǝyɑɣɑ nɑ ɩ́ hɩɩsɩ ɩ kɔŋkɔŋ tɑɑ, nɑ ɩ́ hɩɩsɩ kʋsǝpɑɣɑ kɛ mɑ kɔŋkɔŋ tɑɑ, nɑ mɑ́ɑ́ tɔŋnɑ tom.

²¹Pǝ nyɑɑlɑɑ sɩ mɑ́ cɛlǝɣɩ pǝyɑɣɑ kɛ hǝtɛ, ɩlɛnɑ mɑ́ mɑɣɑnɑ sǝtʋ. Mɑ nyǝnɑ-kɛɣɛ teu, ɩlɛnɑ mɑ́ cɛkǝnɑ sɩ pǝ tɑɣɑ mɑ nyǝŋkɑ.

²²Tǝnɑɣɑlɛ ɑlʋ lɛlʋ sɩ: Aɑɩ yoo, mɑ pǝyɑɣɑ ntɛ́ weesuɣu nyǝŋkɑ, nyɑ́ nyǝŋkɑ ntɛ́ kʋsǝpɑɣɑ. Ntɛnɑ kɑncɑɑlɑɣɑ nyǝŋ sɩ: Pɔpɔtʋ kɛ́. Nyɑ́ pǝyɑɣɑ sǝpǝnɑ, mɑ nyǝŋkɑ ntɛ́ weesuɣu nyǝŋkɑ. Ɩlɛnɑ pɑ́ nɑɑlɩ ḿpʋ́ɣʋ́ hɔm kɛ wulɑʋ ɩsɛntɑɑ tǝnɑ.

²³Ntɛnɑ wulɑʋ tɔ́ sɩ: Lɛlʋ nɑ́ tɔŋ sɩ, mɑ pǝyɑɣɑ ntɛ́ weesuɣu nyǝŋkɑ, nyɑ́ nyǝŋkɑ ntɛ́ kʋsǝpɑɣɑ. Ɩnɛ ɩ́lɛ́ sɩ, pɔpɔtʋ kɛ́, nyɑ́ pǝyɑɣɑ ntɛ́ kʋsǝpɑɣɑ, mɑ nyǝŋkɑ ntɛ́ weesuɣu nyǝŋkɑ.

²⁴Tɔʋ, ye mpʋ ɩ́ kɔnɑ-m lɑɣɑtɛ. Pɑ ponɑ wulɑʋ kɛ lɑɣɑtɛ,

²⁵ɩlɛnɑ ɩ́ tɔ sɩ: Ɩ́ fɑɣɑ weesuɣu nyǝŋkɑ kɛ cɑlɩ nɑ ɩ́ tɑlɑ-wɛɣɛ hɔɣɔlʋɣʋ hɔɣɔlʋɣʋ.

²⁶Tǝnɑɣɑlɛ pǝ lɑpɑ weesuɣu pǝyɑɣɑ too tɑɑ kɛ́ pʋlʋɣʋ ɩ pǝyɑɣɑ tɔm, nɑ ɩ́ tɔ sɩ: Hɑɩ, wulɑʋ cɛlɛ-ɩ pǝyɑɣɑ ŋkɛ, tɑɑ kʋ-kɛ. Ntɛnɑ ɑlʋ lɛlʋ sɩ: Yɛɛ, sɛtɩ-kɛ, nɑ tɑ nɑɑlɛ tǝ lɑŋ.

²⁷Ḿpʋ́ɣʋ́ wulɑʋ sɩ: Ɩ́ cɛlɑ kɑncɑɑlɑɣɑ nyǝŋ kɛ pǝyɑɣɑ, ɩ́ tɑɑ kʋ-kɛ, kɑ too kɛlɛ.

²⁸Ḿpʋ́ɣʋ́ Ɩsɛɣɛlɩ nyǝ́mɑ tǝnɑ nɩɩ wulɑʋ hʋʋlɛ ntɛ́, nɑ pɑ́ nɑ́ sɩ, Tɑcɑɑ tʋ-ɩ lɑɣɑtʋ, nɑ ɩ́ tǝŋǝɣɩ tɑmpɑnɑ nɑ ɩ́ hʋʋkǝnɑ. Ɩlɛnɑ pɑ́ nyɑŋnɑ wulɑʋ.