1 Kin 3

2

3

4

5

6

8

10

11

12

16

17

18

19

³Solomon, tamana Deiwidi ena laulau ya lau watanidi be Guyau ya fanuha. In moho antalasam yo maꞌi panepanedi ya gabudi ai piupiu hiti.

⁴Aba fadebasae loholohona hesa mate Gibiyon Nuꞌuna yai, habahim nuꞌu hahaisa enehedi. Logena, Baꞌisa Solomon ya lau amainiya be antalasam 1,000 ya gabudi.

⁵Maihonana eno suwai yai Guyau ya taumahata Solomon lisina Gibiyon yai. Na Guyau iyebom, Somo wa fanuha bena E felem mate u anꞌetai. Alinana Solomon ya bui, iyen,

⁷Guyau egu Yaubada aho te, em tau paisowa wa tolegu baꞌisa, tamagu Deiwidi falau damahina. In moho yau doha wawaya kiukiu. Yo tanuwaga paisowana sonogana hige ya sibai.

⁸Em dodoga wa fasinabodi ganahewadi yai, yau em tau paisowa. Sa ouli wananaha, hige gonowana sai haba i fatilidi.

⁹Aee–, nuwatuhu sibasiba u felegu haba heyaya yo dudulai E ita lobahidi. Haba em dodoga itaꞌita watanidi E sibai. Yena hige u felegu hige gonowagu haba em nuꞌu laꞌilaꞌi te ya ita watan.

¹⁰Yaubada iyen, Solomon, em anꞌeta E fanuha.

¹¹Egoba miya lofalofa yo fagogo anꞌetadi wa anꞌetaidi e am waiyunu bena E wunuidi anꞌetana wa anꞌeta. In moho sibasiba wa etai be haba dudulai yai dodoga wa foyahidi.

¹²Lisina yai, haba sibasiba E felem be wa sonoga diꞌoi. Hige sai hesa beyabeyana e fuya matada yai ena sibasiba doha.

¹³Yo hinaga somo um hige u anꞌetai mate haba E felem. Haba wa fagogo yo haba sa faꞌatitiyem em miya fuyandi yai. Yo hesam haba ya laꞌi, habahim kin mahudoꞌidi.

¹⁴Yena wa awa abiyegu yo egu laugagayo wa lau watanidi doha tamam Deiwidi, haba wa miya lofalofa.

¹⁵Solomon ya eno obiyo ya nuwatuhu lobahi mate Yaubada ya libama lisina eno suwai yai.

¹⁶Wawahin matamata heyayadi luwaga sa laoma kin Solomon sa ita be edi pilipili ya fadudulai.

¹⁷Hesauna iyen, Egu baꞌisa, waihin te luma esega yai ꞌe gogogo. Maꞌegu ꞌe miyamiya na natugu taumoho E yosi.

¹⁸E yosi na lahai faihona mulidi yai, waihin te hinaga natuna taumoho ya yosi. Ibomai lumana yai ni ꞌe miyamiya, hige sai laꞌi maꞌemai.

¹⁹Iꞌipana yai, waihin te natuna ya eno hafiti be ya peꞌi.

²⁰Iꞌipa atipuna E eno tau ꞌwafuꞌwafu na natuna peꞌipeꞌina ya leyama ya faꞌeno nuwanuwagu yai. Na natugu ya lawen ya faꞌeno nuwanuwana yai.

²¹Hwalahwalalana E obiyo bena natugu E fanom na E ita mate peꞌipeꞌina! Ya ifi tatatalima na E ita komakomaniꞌi mate hige natugu.

²²Solomon matana yai wawahin luwaga te, sa liba faiꞌabi. Hesa iyen, Higeꞌe! Peꞌipeꞌina um natum na mwahumwahulina yau natugu. Na waihin bwaꞌibwaꞌina ya liba fuyo, iyen, Higeꞌe, mwahumwahulina, yau natugu.

²³Habahim, Kin iyen, Itete iyebom, “Gwama peꞌipeꞌina te um natum na mwahumwahulina yau natugu,” na hesa iyen, “Higeꞌe, mwahumwahulina yau natugu na peꞌipeꞌina um natum.”

²⁴Yo fede, ya liba fuyo iyen, Baineti au leyama. Yo fede baineti sa leyama sa felen.

²⁵Habahim iyen, Gwama mwahumwahulina au tala dagi be hesa ena tefa na, hesa ena tefa.

²⁶Waihin bwaꞌibwaꞌina natuna ya fanuwatohatohaen be ya libalau kin lebena iyen, Aee–, egu baꞌisa! Gwama tabu u tala dagi! Ma mwahumwahulina waihin ni u felen! Na waihin hesa iyen, Higeꞌe, u tala dagi! Tabu sai u felen.

²⁷Yo fede kin iyen, Tabu au tala dagi! Waihin bwaꞌibwaꞌina au felen. In tinana wananaha!

²⁸Baꞌisa Solomon wawahin sidohana ena fafadudulaidi, Isalaela dodogadi sa atahiyen be sa noꞌoꞌen, paꞌana sa ita lobahi mate Yaubada sibasiba ya felen be dudulai yai ya paisowa.