Awulɑɑ I 21

1

2

3

4

5

6

7

8

9

10

11

12

13

14

15

16

17

18

19

20

21

22

¹Pǝlɛ pǝ wɑɑlɩ, ɑpɑlʋ nɔɣɔlʋ ɩ kɑ wɛnɑ Sisilee, nɑ pɑ́ yɑɑ-ɩ sɩ Nɑpɔtɩ. Ɩ wɛnɑ tɩɩŋ wei pɑ yɑɑ sɩ lɛsɛŋ tɔ ɩ tɑɑlɛ kɛ Ɩsɛɣɛlɩ wulɑʋ tǝyɑɣɑ cɔlɔ.

²Ḿpʋ́ɣʋ́ kʋyɑkʋ nɑkʋlɩ wulɑʋ tɔmɑ Nɑpɔtɩ sɩ: Cɛlɛ-m nyɑ́ lɛsɛŋ tɑɑlɛ nte tǝ wɛ mɑ tǝyɑɣɑ cɔlɔ tɔ, nɑ mɑ́ hɑlɑ tuusi. Mɑɑ lɑɣɑsɩ-ŋ nte tǝ kǝlɑ mpʋ tɔ. Yɑɑ ye n tɩɩ sɔɔlɑɑ, mɑ fɛlɩ-ŋ pǝ liɣitee.

³Ntɛnɑ Nɑpɔtɩ sɩ: Tɑcɑɑ ɩ́ ponɑ mpusi kɛ́ pooluŋ, nɑ mpi mɑɑ cɛlɛ-ŋ kpɑncoou ŋku mɑ cɑɑnɑɑ yelinɑ-m tɔ.

⁴Ḿpʋ́ɣʋ́ Akɑpɩ lɑŋlɛ tɑ hɛɛnɑ Nɑpɔtɩ tɔm ntɩ, nɑ ɩ́ hɑɣɑ pɑ́ɑ́nɑ́, nɑ ɩ́ polo ɩ́ hǝntɩ ɩ kɑto tɔɔ, nɑ ɩ́ hɑ yǝlɑɑ kɛ siɣile nɑ ɩ́ kisi tɔɣɔʋ.

⁵Ntɛnɑ ɩ ɑlʋ pɔɔsɩ-ɩ sɩ: Pepe lɑpɑ nɑ ń kisi tɔɣɔʋ?

⁶Mpʋɣʋlɛ sɩ: Mɑ yɔɣɔtɑ Nɑpɔtɩ kɛ Sisilee kɛ́ sɩ ɩ́ cɛlɛ-m ɩ lɛsɛŋ tɑɑlɛ, nɑ mɑ fɛlɩ-ɩ liɣitee, yɑɑ ye ɩ cɑɑkɩ mɑ lɑɣɑsɩ-ɩ kʋfɑtɛ nɑ ɩ́ kisi.

⁷Kɛlɛnɑ Sesɑpɛɛlɩ sɩ: Pʋwɛ, ntɔŋ n sɔɔkɩ sɩ ń kɛ́ Ɩsɛɣɛlɩ wulɑʋ nɑ? Kʋlɩ nɑ ń tɔɣɔ. Mɑɑ cɛlɛ-ŋ Nɑpɔtɩ tɑɑlɛ.

⁸Ɩlɛnɑ ɑlʋ ɩnɩ ɩ ŋmɑɑ Sisilee ɩcɑtɛ nyʋɣʋ nyǝ́mɑ kɛ lɛɛtǝlǝnɑɑ nɑ Akɑpɩ hǝtɛ tɑɑ sɩ: Ɩ́ koti sɑmɑɑ kɛ nɔhɔkʋtʋ kotuɣu, nɑ ɩ́ tʋ Nɑpɔtɩ sɩ ɩ́ pɑɑsǝnɑ kotuɣu ŋkʋ. Ɩlɛnɑ ɩ́ ponɑ tɛtɛlɑtɑɑ nɑpǝlǝɣɩ ɩ kiŋ nɑ pɑ́ suu-ɩ tɔm sɩ, ɩ tǝŋsɑ Ɩsɔ nɑ wulɑʋ kɛ mpusi. Ɩlɛnɑ pɑ́ lɩɩnɑ-ɩ ɩcɑtɛ wɑɑlɩ nɑ pɑ́ kʋ-ɩ nɑ pɛɛ. Ɩ tɛmɑ mpʋ, ɩlɛnɑ ɩ́ tʋ wulɑʋ kʋyʋsʋm, nɑ ɩ́ tilinɑ Sisilee ɩcɑtɛ nyʋɣʋ nyǝ́mɑ, nɑ pǝ sɔsɑɑ sɩ pɑ́ pɑɑsǝnɑ-tɩ.

¹¹Ɩlɛnɑ pɛlɛ pɑ́ lɑ́ teitei ɩsɩɩ Sesɑpɛɛlɩ tʋɣʋ-wɛɣɛ ɩ lɛɛtǝlǝnɑɑ tɑɑ tɔ.

¹²Pɑ kotɑ sɑmɑɑ kɛ nɔhɔkʋtʋ kotuɣu nɑ pɑ́ tʋ́ Nɑpɔtɩ sɩ ɩ́ pɑɑsǝnɑ-kʋ.

¹³Ḿpʋ́ɣʋ́ tɛtɛlɑtɑɑ nɑɑlɛ kɔmɑ kotuɣu tɑɑ tǝnɑ, nɑ pɑ́ tɔ́ sɩ: Nɑpɔtɩ tǝŋsɑ Ɩsɔ, nɑ wulɑʋ kɛ mpusi. Tete ɩsɩɩ sɑŋɑ tɔ, pɑ lɩɩnɑ-ɩ ɩcɑtɛ wɑɑlɩ nɑ pɑ́ yɑɣɑ-ɩ pɛɛ nɑ pɑ́ kʋ́.

¹⁴Ḿpʋ́ɣʋ́ nyʋɣʋ nyǝ́mɑ tilɑɑ nɑ pɑ́ heeli Sesɑpɛɛlɩ sɩ pɑ kʋwɑ Nɑpɔtɩ nɑ pɛɛ.

¹⁵Wɑɑtʋ wei ɑlʋ ɩnɩ ɩ nɩɩ mpʋ, ɩlɛnɑ ɩ́ heeli ɩ pɑɑlʋ sɩ: Polo ń kpɑɣɑ tɑɑlɛ nte Nɑpɔtɩ kɑ kisɑ-ŋ pɛɛtǝnɑʋ tɔ. Ɩ sǝpɑ.

¹⁶Ḿpʋ́ɣʋ́ Akɑpɩ polɑ kpɑkpɑɑ, nɑ ɩ kpɑɣɑ tɑɑlɛ ńtɛ́.

¹⁷Ḿpʋ́ɣʋ́ Tɑcɑɑ heelɑ Ɩsɔ kʋyɔɣɔtʋtʋ tɛlǝsʋlʋ Ilii wei ɩ kɛ́ Tisipe ɩcɑtɛ tʋ tɔ sɩ:

¹⁸Polo Ɩsɛɣɛlɩ wulɑʋ tɛɣɛ Sɑmɑlii. Ɩ wɛ Nɑpɔtɩ tɑɑlɛ nte ɩ lɛɛkɑɑ tɔ tǝ tɑɑ.

¹⁹Ye n tɑlɑɑ ɩlɛ n tɔmɩ-ɩ sɩ: Tɑcɑɑ yɔɣɔtɑɑ sɩ n kʋ́ yʋlʋ ntɛ́, nɑ ń kɔɔ ɩ wontu tɔɣɔʋ nɑ? Timpi tɑɑ hɑsɩ niisɑ Nɑpɔtɩ cɑlǝm tɔ, tǝnɑɣɑ sɩɩ niisi nyɑ́ nyǝm tɔtɔ.

²⁰Ilii tɑlɑ Akɑpɩ kiŋ ɩlɛnɑ ɩ́ pɔɔsɩ-ɩ sɩ: Mɑ kolontu n kɔmɑɣɑ? Ɩsɔ kʋyɔɣɔtʋtʋ tɛlǝsʋlʋ sɩ: Yɛɛ mɑ kɔmɑ. Timpi nyɑ́ lɑŋlɛ hɛɛnɑ mpi pǝ tɑ mɑɣɑ Tɑcɑɑ tɔ pǝ lɑpʋ tɔ.

²¹Ɩ tɔmɑ sɩ: Mɑɑ kpiisi nyɑnɑ nyɑ́ lʋlʋɣʋ nyǝ́mɑ tǝnɑ. Pǝ kpɑɣɑʋ sɔsɑɑ nɑ piyɑ tɔ.

²²Mɑɑ lɑ nyɑ́ tǝyɑɣɑ nyǝ́mɑ kɛ teitei ɩsɩɩ mɑɑ lɑpʋ Solopʋwɑm nɑ Pɑsɑ pɑ nyǝŋsɩ tɔ. Mpi tɔ, n kǝlɑ ɩ pɑ́ɑ́nɑ́ kɛ kʋsʋɣʋ. Pǝ́cɔ́ n tusɑ Ɩsɛɣɛlɩ nyǝ́mɑ kɛ lɑɑtʋ tɑɑ.

²³Ḿpʋ́ɣʋ́ Ilii tɑsɑɑ sɩ: Nyɑ́ ɑlʋ Sesɑpɛɛlɩ nyǝntʋ wɛɛ tɔtɔ. Hɑsɩ kɑ́ tɔɣɔnɑ-ɩ Sisilee koloŋɑ kite.

²⁴Pǝlɛ pǝ pɑɑsi, ye nyɑ́ tǝyɑɣɑ tʋ wei ɩ́ sǝpɑ tǝyɑɣɑ, hɑsɩ kɑ tɔɣɔnɑ-ɩ. Nɑ wei ɩ́ sǝpɑ tɑɑlɛ, kpeliŋ tɔɣɔ ɩ́lɛ́.

²⁵Too tɔ, nɔɣɔlʋ tɑ lɑtɑ mpi pǝ tɑ mɑɣɑ Tɑcɑɑ tɔ, ɩsɩɩ Akɑpɩ. Ɩ ɑlʋ Sesɑpɛɛlɩ tʋsǝnɑ-ɩ.

²⁶Ɩ́ nɑ nɔɣɔlʋ pɑ tɑ mɑɣɑ ɑcɑɑlǝtʋ. Mpi tɔ, ɩ lɑɑkɑɣɑ tɩɩŋ kɛ teitei kɛ́ ɩsɩɩ Amolii nyǝ́mɑ, mpɑ Tɑcɑɑ tɔɣɔnɑɑ nɑ pǝ́ fɛɛ Ɩsɛɣɛlɩ nyǝ́mɑ tɔ.

²⁷Akɑpɩ nɩɩ mpʋ, ɩlɛnɑ ɩ lɑŋlɛ wɑkǝlɩ sɔsɔm. Nɑ ɩ́ cǝlɩ ɩ wontu nɑ lɑŋwɑkǝllɛ, nɑ ɩ́ suu fɔlǝtɔnɑɑ tɑkɑ nɑ ɩ́ hǝntǝɣǝnɑ. Nɑ ɩ́ hɔkɔ nɔɣɔ, nɑ ɩ́ tɔŋ nɔɔhǝlɛ nɔɔhǝlɛ.

²⁸Mpʋɣʋlɛ Tɑcɑɑ heelɑ Ilii sɩ:

²⁹Timpi ɑkɑpɩ lɑŋlɛ wɑkǝlɑ kɑtɑtǝlɑɣɑ kɛ ɩsǝntɔ tɔ. Mɑɑ tɑsǝɣɩ mpusi kɔnɑʋ kɛ ɩ tǝyɑɣɑ tɔɔ kɛ́ ɩ kɑwulɑɣɑ wɑɑtʋ. Amɑ ɩ pǝyɑlʋ wɑɑtʋ tɑɑ kɛ́ mɑɑ lɑ mpʋ.