Zelemii 51:35-61

Click on verse(s) to share them!

³⁵Siↄnadeↄ mɛ̀ gbãa pↄ́ Babɛlideↄ mↄ̀nɛ́ aa ń só, to a yã́ wí ń musu. Yelusalɛũdeↄ mɛ̀ ń bↄ́ↄ'i pↄ́ Babiloniↄ mì, to aa a gbɛ'e.

³⁶A yã́i ma Dii ma mɛ̀, À ma! Má zɛánↄ, mí tↄsiɛ́. Má tó an swada í ba, má tó an nibↄnaↄ gↄ̃ gii.

³⁷Babɛli a gↄ̃ gbɛ̀zɛ ũɛ, gbɛ̃gbonaↄ tòo ũ, sↄ̃kɛ̃ngu pↄ́ ũ, láanipↄ ũ, gbɛ̃e aↄ ku weo.

³⁸Babɛlidepiↄ pũna sãnusãnu lán nↄ̀ↄmusuwa, aa ↄ́ↄlↄ lán nↄ̀ↄmusu nɛ́ↄwa.

³⁹Gↄↄ pↄ́ an mɛ wã̀, ↄ̃ má mↄ́nɛ́ ń í gbãao, mí kákanɛ́, aai gↄ̃ dↄ̀ↄsai, aaiↄ i'o vusai gↄↄpii. Ma Dii mámɛ má ò.

⁴⁰Má ń pã́lɛ lán sãnɛbↄlↄ pↄ́ wàlɛ mↄ́ ń kòlokpaiↄwa, lán sãsakaoↄ ge blesanaↄwa.

⁴¹Wa lɛ́lɛ Babɛliwaɛ fá! Wa dṹnia wɛ̃́lɛ tↄdepi siɛ, Babɛlipi i gↄ̃ sↄ̃kɛ̃ngu pↄ́ ũ buiↄnɛ.

⁴²Ísia a da Babɛliaɛ, a ikooa kↄ̃fĩdeↄ lɛ́lɛwà.

⁴³Aà zↄ̃ɛwiaↄ gↄ̃ bɛziaↄ ũ, aà bùsu i gↄ̃ gbáa gii ũ. Gbɛ̃e aↄ ku weo, gbɛ̃e a pãao.

⁴⁴Má fɛlɛ ń Bɛlio Babɛli, mí tó aà pↄ́ pↄ́ a mↄ̀mↄↄ pisipisi. Buiↄ siu we lↄo, aà bĩ́iↄ kwɛ́.

⁴⁵À bↄlɛ a guu ma gbɛ̃́ↄ, baade azĩa mibↄkĩi wɛɛlɛ ma pↄkũma pãsĩ yã́i.

⁴⁶Tó a bùsupi baoe mà, ásu to sↄ̃ kɛ̃́águo, ásu to vĩa á kũo. Yãpãsĩ a fɛlɛ bùsupiu, kpaladeↄ fɛlɛ ń kↄ̃o. Á yã́pi feena ma wɛ̃a, í a feena ma zii.

⁴⁷Asa a gↄↄ lɛ́ mↄ́ kɛ́ má fɛlɛ ń Babɛli tã́aↄ. A gbɛ̃́ↄ kwɛ gɛↄ ũ a guu, bùsupideↄ gɛɛ i gↄ̃ kpá ń wɛ́i.

⁴⁸Luabɛdeↄ ń zĩ́lɛdeↄ gulakɛ Babɛli yã́ musu ḿpii, asa bùsudɛnaↄ bↄ gugbãntoo oi, aa mↄ lɛ́lɛwàɛ. Ma Dii mámɛ má ò.

⁴⁹Lá Babɛlideↄ gbɛ̃́ↄ dɛ̀dɛ dṹnia guu dasi, Babɛlipi a wiɛ sa Isaili pↄ́ aa ń dɛdɛↄ yã́ musu.

⁵⁰Á Isaili pↄ́ a bↄ an fɛ̃nda lɛ́zĩↄ, à bↄ we, ásu zɛzɛ weo. À to Dii yã́ dↄágu za zã̀zã we, í Yelusalɛũ yãda á sↄ̃u.

⁵¹Wà yã́ lìwɛ̃ɛ, ↄ̃ wí wá kṹ, bui zĩ̀loↄ gɛ̃̀ Dii kpɛ́u e aà kúkĩi, wá gɛɛ gↄ̃̀ kpá wá wɛ́i.

⁵²Ma Dii ma mɛ̀, a gↄↄ lɛ́ mↄ́ kɛ́ má fɛlɛ ń Babɛli tã́aↄ, gbɛ̃́ pↄ́ kɛ̀'ĩa Babiloni bùsu bũu guuↄ aaↄ aaukɛ.

⁵³Baa tó Babɛli gbã̀ zↄ̃̀ luawa, mɛ́ à a bĩ́i lɛsĩ gbãa kã̀fĩ, ma bùsudɛnaↄ gbaɛ aa gɛ lɛ́lɛwàɛ. Ma Dii mámɛ má ò.

⁵⁴Babɛlideↄ wii ma dↄ, Babiloni bùsu wíwia zↄ̃ↄ.

⁵⁵Asa Dii a Babɛli dúuzↄ̃ɛ, i to aà súu zↄ̃ↄ midɛ. Zĩgↄ̃ↄ lɛ́lɛwà lán ikooaↄwa, an zↄa iↄ dↄ lán isukaawa.

⁵⁶Bùsudɛnaↄ mↄ lɛ́lɛ Babɛliwa, aai aà nɛgↄ̃naↄ kṹkũ, aai ń sáↄ ɛ́'ɛ, asa ma Dii mi tↄsimá mà fĩabonɛ́ a zɛ́waɛ.

⁵⁷Má íkaka aà kíaↄnɛ ń aà ↄ̃nↄnaↄ ń aà dↄaanaↄ ń aà gbãadeↄ ń aà nɛgↄ̃naↄ, aaiↄ i'o vusai gↄↄpii. Ma Dii mámɛ má ò.

⁵⁸Ma Dii Zĩgↄ̃de ma mɛ̀ wa aà bĩ́i gèele daaĩ, wa tɛsↄ̃ aà bↄlɛ lɛsĩↄwa. Gbɛ̃nazĩnaↄ ì ĩada ńzĩawa pãɛ, buiↄ isimagakpaa gbɛ a gↄ̃ tɛ́ pↄ́ ũɛ.

⁵⁹Nɛlia nɛ́ Selaia, Maasea tↄũna gɛ̀ Babɛli ń Yudaↄ kí Zedekiao kíapi kpalablea wɛ̃̀ síiↄ̃de guu. Selaiapi mɛ́ kía bòokpakĩi dↄaana ũ. Yã́ pↄ́ Zelemii dàɛ̀n kɛ.

⁶⁰Zelemii yãvãi pↄ́ a Babɛli lepiↄ kɛ̃̀ taala guu píi,

⁶¹ↄ̃ a ò Selaiaɛ: Tó n ka Babɛli, wɛtã ǹ láɛ bee kyokɛnɛ́ píi,