عَننَبِ يٍرٍ مِ 51:35-61

³⁵عَ قٍ حَاشِ نَشَن نَبَشِ وٌن تَن سِيٌنكَيٍ رَ، نَ شَ فبِلٍن بَبِلْن مَ. عَ نِي نَشٍيٍ بَشِ دَرِ سَلَمُ، نَ سَرٍ شَ فبِلٍن بَبِلْنكَيٍ مَ.»

³⁶نَ كُي عَلَتَلَ نَشّ، «وٌ شَ عَ مَتٌ، ﭑ قَمَ نّ وٌ شُن مَقَلَدٍ، ﭑ قَ وٌ فبٍ حْشْدٍ. ﭑ بَبِلْن بَا شْرِ مَ نّ، ﭑ عَ شَ دُلٌنيِيٍ شَرَ مَ نّ.

³⁷بَبِلْن قِندِ مَ نّ يِرٍ كَنَشِ رَ وُلَءِ بَرٍيٍ لُمَ دّننَشّ. مِشِيٍ مُ تِنمَ لُدٍ نَ يِرٍ مَفَاشُشِ.

³⁸عَ شَ حَمَ شَاحّشِ عَلْ يّتّيٍ، عٍ عٍ شُي رَ مِنِمَ عَلْ يّتّ يْرّ،

³⁹كْنْ عٍ نَ كٍلِ، ﭑ عٍ قِندِ مَ سِيسِلَيٍ نَن نَ، نَشٍيٍ يٍلٍمَ هَن، كْنْ عٍ نَ شِ، عٍ مُ شُنُمَ سْنْن. عَلَتَلَ شَ مَسٍنيِ نَن نَ كِ.»

⁴⁰«ﭑ عٍ رَفٌرٌ مَ نّ عَلْ يّشّي نَشٍيٍ كْن نَشَبَمَ، عَلْ يّشّي نُن سِ كٌنتٌنيِيٍ.

⁴¹بَبِلْن شُنفبٍ، دُنِحَ بِرِن نَشَن مَتْشْمَ، نَ بِرَشِ دِ؟ مُنسٍ عَ نِيَشِ عَ شَ قِندِ فبَلٌي رَ سِيٍ تَفِ؟

⁴²بَا قَمَ نّ عَ مَكٌتٌدٍ، مْرْنيِيٍ دِن عَ رَ.

⁴³عَ شَ تَايٍ بّحِنمَ نّ، عٍ قِندِ فبٍنفبٍرٍنيِ رَ، مِشِ مُ سَبَتِمَ دّننَشّ. هَلِ بِيَاسِلَيٍ مُ لُمَ نَا.

⁴⁴ﭑ عٍ شَ كُيٍ بٍلِ حَشَنكَتَمَ نّ، ﭑ قَ عَ نِيَ عَ شَ مِشِيٍ بّحِن عَ نَشٍيٍ سْتْ. مِشِيٍ مُ كٍلِمَ حَمَنّيٍ مَ قَقٍ عَ بَتُدٍ سْنْن. بَبِلْن شَ تّتّ بِرَ مَ نّ كٍرٍنيِ رَ.»

⁴⁵«ﭑ مَ حَمَ، وٌ شَ كٍلِ نَا. وٌ شَ وٌ فِ، بَرِ مَ عَلَتَلَ شَ شْنّ بُلَمَ مّننِ نّ.

⁴⁶لِمَنِيَ نَشَ بَ وٌ يِ رَ، وٌ نَشَ فَاشُ وْيّنيِ رَ نَشٍيٍ قَمَ مّدٍ نَا. وْيّنيِ لُمَ قَلَ رَ نّ سّنبّمَيٍ شَ قٍ رَ نُن فٍرٍ شَ قٍ رَ.

⁴⁷وَشَتِ قَمَ عَ لِدٍ ﭑ بَبِلْن شَ كُيٍيٍ حَشَنكَتَمَ تّمُي نَشّ. عَ شَ بْشِ بِرِن لُمَ يَافِ كُي نَ تّمُي نّ، عَ شَ مِشِيٍ قَ سْنتْدٍ.

⁴⁸نَ كُي كٌورٍ نُن بْشِ قَمَ نّ حّلّشِندٍ عَ شَ بِرّ شَ قٍ رَ، عَ يَشُييٍ سَفٌ مَ، يَشُي نَشٍيٍ كٍلِشِ كْولَ مَ. عَلَتَلَ شَ مَسٍنيِ نَن نَ كِ.»

⁴⁹«بَبِلْن شَ بِرَ عِسِرَيِلَكَ مِشِ قَشَشِيٍ شَ قٍ رَ، عَلْ مِشِ فبٍفبٍ قَشَشِ دُنِحَ مَ كِ نَشّ بَبِلْن بّلّشّ قْشِ رَ.

⁵⁰وٌ تَن نَشٍيٍ بَرَ وٌ يّتّ رَتَنفَ سَنتِدّفّمَ مَ، وٌ نَشَ دُفُندِ، وٌ شَ سِفَ. هَلِ وٌ نَ يِرٍ مَكُيٍ، وٌ شَ رَتُ عَلَتَلَ مَ، وٌ حْشْ شَ سَ دَرِ سَلَمُ شْن.»

⁵¹«وٌن بَرَ يَافِ سْتْ، وٌن بَرَ كٌنبِ، وٌن مُ نْمَ وٌن شُن نَكٍلِدٍ سْنْن، بَرِ مَ سِ فبّتّيٍ بَرَ سٌ يِرٍ سّنِيّنشِيٍ كُي عَلَتَلَ شَ هْرْ مْبَنشِ يِرٍ.»

⁵²عَلَتَلَ شَ مَسٍنيِ نَن يَ، «ﭑ نَ فّ بَبِلْن شَ كُيٍيٍ حَشَنكَتَدٍ، عَ شَ حَمَ لُمَ وَ رَ نّ بْشِ بِرِن مَ.

⁵³هَلِ بَبِلْن شَ قٍ قَمَ سْونّيَدٍ نُ، عَ شَ شُننَكٍلِ سْتْ، ﭑ قَمَ نّ عَ نِيَدٍ عَ شَ قٍ بِرِن شَ كَنَ. عَلَتَلَ شَ مَسٍنيِ نَن نَ كِ.»

⁵⁴«شُي شْرْشْي مِنِمَ بَبِلْن بْشِ مَ عَ شَ كَنَرِ نَن شَ قٍ رَ.

⁵⁵عَلَتَلَ قَمَ نّ بَبِلْن شُن نَكَنَدٍ، عَ عٍ شَ سْنشْي دَن. عٍ يَشُييٍ دِنمَ نّ عٍ رَ عَلْ بَا مْرْنيِيٍ، عٍ شُي شَاحّ عَ حَاشِ رَ.

⁵⁶كَنَرِتِيٍ بِرَ مَ نّ بَبِلْنكَيٍ قْشْ رَ، عٍ عٍ شَ سْورِيٍ سُشُ، عٍ عٍ شَ شَلِيٍ عِفِرَ، بَرِ مَ عَلَتَلَ فبٍحْشْي تِمَ نّ، عَ عٍ سَرٍ بِرِن نَفبِلٍن عٍ مَ.

⁵⁷ﭑ عٍ شَ مَنفّيٍ، كُنتِفِيٍ، لْننِلَيٍ نُن سْورِيٍ قِندِ مَ سِيسِلَيٍ نَن نَ، نَشٍيٍ لُمَ شِ رَ عَبَدَن، عٍ مُ شُنُمَ قٍقٍ مَ. مَنفّ شَ مَسٍنيِ نَن نَ كِ، نَشَن شِلِ عَلَتَلَ سّنبّمَ.»

⁵⁸«عَلَتَلَ شَ مَسٍنيِ نَن يَ، بَبِلْن شَ تّتّ شُنفبٍ بِرَ مَ نّ، عَ شَ نَادّ عِتٍشِيٍ فَن، عَ شَ حَمَ عَ يّتّ رَتَفَن قٍ قُقَقُ مَ، عَ وَلِ نَشَن نَبَشِ، نَ بِرِن فَن تّ رَ.»

⁵⁹عَننَبِ يٍرٍ مِ تٌ يُدَيَ مَنفّ سٍدٍكِيَ مَتِ بَبِلْن عَ شَ مَنفّيَ حّ نَانِ ندٍ رَ، عَ نَشَ يِ مَسٍنيِ سٌ نٍرِيَ شَ دِ سٍرَيَ يِ رَ، نَشَن قِندِشِ مَشَسٍيَ شَ مَمَدِ رَ.

⁶⁰عَ نُ بَرَ بَبِلْن شَ فبَلٌي شَ قٍ بِرِن سّبّ كّيدِ ندٍ مَ، عَ نُ لَنمَ عٍ شَ نَشٍيٍ سْتْ.

⁶¹عَ نَشَ عَ قَلَ سٍرَيَ بّ، «عِ نَ بَبِلْن بْشِ لِ، عِ شَ يِ مَسٍنيِ بِرِن شَرَن عِ شُي عِتٍشِ رَ.