Text copied!
CopyCompare
Anumzamofo Ruotage Avontafere - Jona

Jona 3

Help us?
Click on verse(s) to share them!
1Anante Ramofo kemo mago'ene Jonante eno anage hu'ne,
2Mensitfa otinka, tusi'a kumate Ninive vunka, Nagrama kasmisua nanekea vahera ome zamasamio.
3Anage higeno, Jona'a otino Ramo asmia kante anteno Ninive vu'ne. Ninive kumara tusi'a ranku'ma me'negeno ana kumapina tagufa zgegna rukitagi'za mago atuparega kana nevaze.
4Jona'a ana kumapi agafa huno, magoke zgegnafi vuno, agra kezatino anage hu'ne, foti'a zgegna evanigeno Ninive kumamo'a haviza hugahie.
5Anante Ninive vahe'mo'za Anumzamofo kere zamentinti nehu'za, zamagra ne'zana a'o nehu'za, ranteti vuno osite'ma vu'neana, zamasunku hu kukena (sek klos) eri hankre'naze. (Mat 12:41, Luk 11:31-32)
6Ana nanekemo'ma Ninive kini nete'ma uhnatigeno'a, kini tratetira otiazamo, kini kukena'a atova hutreno, asunku hu kukena erino vziteno, ta'nefapi mani'ne.
7Anante kinine, kagota eri'za naga'ane amage'ma hanaza naneke atrageno ran kumapi vahe'zgare vuno eno higeno, kinimo'a magore hunka kagro, zgagfaka'a, atregeno ne'zane, tinena one'tfa hino, huno hu'ne.
8Mago mago'moka kasunku hu kenage eri nehunka, hagi anazanke hunka zgagfaka'a asu kukena eri hunto. Kagra nena Anumzantega kagu'areti nunmuna nehunka, kumi hu'zane, ha' fra huno vahe azeri haviza hu'zana atreho.
9Ontahi'none, Anumzamo'a nentahino asurgi ranteno Agra'a rimpa he'zana atresigeta ofri mani'gahune.
10Kefo avu'ava zama nehaza zama atre'za zamagu'a rukrahe hzageno, Anumzamo negeno, Agra asurgi zamanteno zamahe frigahuema hia agu'agesa atre'ne.