YAASINƆ 30:19-32

¹⁹Zɛ́ kɛ̀ kúu ègↄ̃ tɛ́o musu, zɛ́ kɛ̀ mlɛ̃̀ ègↄ̃ táa oon gbɛ̀ sàraa, zɛ́ kɛ̀ góro'itɛ ègↄ̃ tɛ́n ísiaa dagura kↄ̃n zɛ́ kɛ̀ gↄ̃gbɛ̃ ègↄ̃ yeo nↄkparɛzio.

²⁰Nↄ zinakɛri yãkɛnan yɛ̀: È pↄ́ ble à ↄ ma a lɛ́a à be ée yã zaaa kɛro.

²¹Yã mɛ̀n aagↄ̃ bé è tó tↄↄtɛ lugaluga, à kà siigↄ̃ se, tↄↄtɛ é yã pìnↄ fↄ̃ro:

²²Zↄ̀ kɛ̀ à kpata blè, yↄ̃nkↄↄ kɛ̀ pↄ́ blè à kã̀,

²³nↄgbɛ̃ kɛ̀ wà zàn ben à zã kɛ̀ kↄ̃n zↄ̀ nↄkparɛ kɛ̀ gↄ̃̀ a dii zã nↄↄ ũuo.

²⁴Pↄ́ nɛ́ngonↄↄ kú tↄↄtɛ mɛ̀n siigↄ̃, mↄde aↄ̃ ↄ̃ndↄ̃ↄ vĩ maamaa:

²⁵Babannɛnↄ kuu pↄ́ gbãaanↄ ũro, mↄde aↄ̃è blɛ zi di kwɛɛmɛ.

²⁶Gbɛ̀'ɛ̃ɛnↄ kuu pↄ́ bítanↄ ũro, mↄde aↄ̃è bɛɛ bo gbɛ̀kotoommɛ.

²⁷Kwaanↄ ègↄ̃ kína vĩro, mↄde aↄ̃è bↄɛ wà zɛzɛ gãli kↄ̃n gãliomɛ.

²⁸Nɛ́ fↄ̃ ǹ zↄ̃̀ kũ kↄ̃n ↄↄo, mↄde è gá na kína kpɛ́ sàtazimɛ.

²⁹Pↄ́ mɛ̀n aagↄ̃ kuu kɛ̀ aↄ̃ tɛna maa, à kà siigↄ̃ se, aↄ̃ táa'ona nna:

³⁰Músu kɛ̀ bíta nↄ̀bↄnↄ tɛ́, è bↄru kpɛɛ pↄ́kenɛro

³¹kↄ̃n kokya kɛ̀ toke bↄ̀o kↄ̃n blèkofĩi lɛ̀tãdeeo kↄ̃n kína kɛ̀ kú a zĩ̀kpɛɛnↄ aɛo.

³²Tó n yↄ̃nkↄyã kɛ̀ zĩndasɛna lezĩ guu ke tó n yã zaaa laasuu lɛ̀, ǹ ↄ kú n lɛ́a,