Proveps-Knare Nomaniza 30:19-32

¹⁹E'i anazana ina kante tumpamo'a monafina hareno nevie, ina kante osifavemo'a have agofetura regraroheno vanoa nehie. Ina kante ventemo'a, tusi'a hagerimpina vano nehie. Hagi na'a hu'nea zanku venenemo'za, vene omase akura zamavenesie.

²⁰Savri a'mofo avu'avamo'a amanahu hu'ne, venema maseteno'a, ne'za neteno agiteti eri ho'mu hiankna nehuno, kefo zana osu'noe nehie.

²¹3'a zamo ama mopamofona azeri tore nehanigeno, 4'a zamo rga oregosie.

²²E'i kazokzo eri'za ne'mo'ma kini mani'zane, neginagi antahizane vahe'mo'za nezama nezamuma hu'zane,

²³ave'sinontaza a'mo'ma ve'ma eri'zane, kazokzo eri'za a'mo'ma kva'ama maninesia a'mofo ve'ama rehanareno manizamo'a, ama mopa azeri tore nehie.

²⁴Ama'na mopafina 4'a onensa zgaramina mani'nazanagi, knare antintahimo'a, zamagripina avitene.

²⁵Kipzuvemofona hanave zmimo'a osi hu'neanagi, ko knafima nesagura ne'zana zgegnafi eritru nehaze.

²⁶Krofamofona hanavezmia omne'neanagi, havefi nozmia negize.

²⁷Kenumofona kini vahe'zamia omni'neanagi, sondia vahe'mo'zama hazaza hu'za, vugota huza nevazageno, ana amage amage hu'za nevaze.

²⁸Tagovira kazanteti amne fru hunka azeriga zgamo'agi, kini vahe'mokizmi marerisa nompina ufregahaze.

²⁹3'a zgamo'za knare huza kana nevazagena kenasane nehuanagi, 4'a zgamoza fatgo hu'za nevazagena negoe.

³⁰E'i ana zga laionigino mika zgamofona hanave'amo'a zmagatere'neankino, mago zgagura korora huno manigane ozamantegahie.

³¹Ve kokoremoza zmahihiza eri antesga hu'za vazageno, ve memeki afumo'za zmasenia eri antesga hu'za vazankna huno, kini ne'mo'ma sondia vahe'anema nevuno'a, ana nehie.

³²Kagrama neginagi kavukavama hunka kavufa ra nehunka, kefo avu'avama hu antahizama retro'ma nehanunka, kazanu kagite refintenka kea osuo.