Tɛnɛ Faalaaliiti 30:19-32

¹⁹koɠɛi ɠoʋe pelei geezuʋɛ, kaalii ɓokpo pelei fasai ma, ɓatoi ná-pelei kpoloɗɛi zaamaʋɛ. Kɛlɛ naanisiɛi ɓalaa ɠa ná: zunui ziɛ ʋelei é lo anzalopoi ʋa.

²⁰Wɛlɛ ʋelei wɛɛnzo anzanui a ɗa kɛ la: a yiima vaiti kɛɛna ziilɛi, é laamaʋɛ ɓale, é ɠɛ: «Gè la faa ɲɔu nɔpɛ kɛɛni.»

²¹Faa saʋagɔ ɠa ná, niiti ta ɗa eteai ɲiikpi, é la ziaa bu:

²²duɔi a zeina ga masagi, ɠimalala nui a zobo sɔlɔɔna, é ɗa ɠɔnɔgi zɔlɔɔ,

²³anzanui kɛlɛbai wogai da, naa a zeina zini bɛ. Kɛlɛ naanisiɛi ɓalaa ɠa ná: duɔ anzanui é zeizu duɔ dee ʋotogi zu.

²⁴Sua naanigɔ ɠa ná eteai zu, ti wola lɔiɗai gola, anɛɛ naa ʋe, ti wola ɠigɛ dageleʋe:

²⁵pupuiti, zɛbɛ nɔpɛ ge la ti ʋa, kɛlɛ ta ɗa ti-ɠɔnɔgi ɠɛʋele ɓɛtɛ foɠoi,

²⁶fasa woliiti, zɛbɛ la ti ʋa, kɛlɛ ta ɗa ti-ʋuuzuʋɛ ɓɛtɛ fasaiti su,

²⁷kotogiti, masa ge la ti unda, ta ɗa ɓɔɠɔ zei su, ti ma ɓulugi ɗa ɠula,

²⁸kooloiti, niiti nu a ɗa ti zo nɔ ga yeei, ta ɗa lɔ masagiti ta-masa pɛlɛiti bu.

²⁹Fuluani saʋagɔ ɠa ná, ti ziɛ ʋelei, ta ti maanɛɛ ʋelei ga pɛtɛ gani:

³⁰zalai, nii ziilɔai é leʋe suaiti pɛ ba, é la ɠula ʋolu nu nɔpɛ bɛ,

³¹tɛɛ zinɛi, nii a ɗa ɠaalɔ kɔɠɔʋolu valagiti ga, ɓaa mu boli zinɛi. Kɛlɛ naanisiɛi ɓalaa ɠa ná: masagi é loni ná-kɔɔʋɛbɛi untuɠɔ, ti ɗa li.

³²Ni è ɠɛni ga ɠimalala nui, è ɗa waso, ɓaa ni è ɠɛni kigaiziɛ ɲɔiti bosu, za ʋoluma, ɓɔɠɔ zo.