YAASINƆ 27:14-24

¹⁴Tó n yã ò gbãnagbãna n sa mana ò n gbɛ̃dakenɛ kↄnkↄkↄnkↄ, onigↄ̃ da sa vãnimɛ.

¹⁵Nↄ fìtide de lán legũ'i kũ àtɛn tↄ́tↄ zɛnaa sari bàmɛ,

¹⁶a dãdãna de lán ĩa dãdãnaa bàmɛ, ade tɛn nísi'iwa kũ kũ ↄomɛ.

¹⁷Lákũ mↄ̀nↄ dì kↄ̃ lɛ́ kɛkɛ nà, lɛn bisãsiri dì a gbɛ̃dake kɛkɛ lɛ.

¹⁸Tó gbɛ̃ laakarii dↄ̀ kaka lía, ani a nɛ́ ble, tó gbɛ̃ a dikiri yã mà, ani a kpe ta.

¹⁹Lákũ gbɛ̃ dì a nini e ín nà, lɛn bisãsirinↄ dìgↄ̃ kↄ̃ laasun dↄ̃ lɛ.

²⁰Lákũ gɛ̀nↄ dì mↄ́ gaaro nà kũ gyãwãnnwo, lɛn gbɛ̃ wɛ́ yena pↄ́i dì mↄ́aro lɛ.

²¹Lákũ òdi andurufuu kũ wuraao mana dↄ̃ a baasanaa gũn nà, lɛn òdi bɛ̀ɛrɛ lí gbɛ̃nɛ a tↄ́bonaa gũn lɛ.

²²Bee tó n fayasaride dà gón n a sabò lán pↄ́blewɛ bà, a fayasarikɛ ni kɛ̃aro.

²³Ǹgↄ̃ n pↄ́kãdenↄ kunna dↄ̃ manamana, ǹ laakari dↄ n kpàsa pↄ́nↄa,

²⁴zaakũ aruzɛkɛ dìgↄ̃ kun gↄrↄ sĩnda pínkiro, beekpata dì gↄ̃ gbɛ̃ pↄ́ ũ ai a buriaro.