Sandane 5:11-23

¹¹Dɔnxɛn na, i fatin na xunna kala, i fasa, i lu kutunɲɛ,

¹²i a falama nɛn, i naxa, “A mi yi rafan n ma nun muxun xa n xuru, naxan na yi n sɔnna fala, na yi raɲaxuma n bɔɲɛn ma nɛn han!

¹³N mi yi n karamɔxɔne falane ramɛma, n mi yi n tuli matima e xaranna ra.

¹⁴Iki, n bata fa raɲan a ɲaxin na mafurɛn yamaan birin yɛtagi.”

¹⁵Igen min naxan namaraxi i konni naxan minima i yɛtɛ gbee xɔɲinna ra.

¹⁶I nama lu i gbee tigi igen naxuyɛ ayi taa yi kirane xɔn a din yamaan malandene ra.

¹⁷A xa findi i kedenna gbeen na! Ɛ nun muxu gbɛtɛye nama a taxun i mi naxanye kolon.

¹⁸Ala xa barakan sa i ya tigina fe yi, i yi sɛwa na ɲaxanla xɔn i naxan dɔxɔ i ya foningeya waxatini

¹⁹naxan nayabu alo xɛnla, a fan alo bolena. I wasa so a tan nin waxatin birin. A marafanna nama ba i rasɛwɛ mumɛ!

²⁰N ma diina, nanfera gbɛtɛ a ɲaxanla xɔnla i suxuma? Nanfera i marafanna fenma ɲaxalan gbɛtɛ ra i mi naxan kolon?

²¹Amasɔtɔ Alatala muxun birin sigati kiin toma, a kɛwanle birin nakɔrɔsima.

²²Muxu ɲaxin kɛwali ɲaxine nan a suxuma a yulubine yi a xidi alo lutina.

²³Naxan mi nɔɛ a yɛtɛ xurɛ, na a yɛtɛ faxama nɛn. A daxuya gbeena a ralɔma ayi nɛn.