Leemiso Maxaafaa 5:11-23

¹¹Wurssettan ne ashoinne ne asatettai gilqqin, neeni oolana.

¹²Qassi hagaadan yaagana; “Taani timirttiyaa aissi ixxidanaashsha! Ta wozanaikka seeraa aissi karideeshsha!

¹³Taani tana tamaarissiyaageeti odidobaa ekkabeikke; tana zoriyaageetu zoriyaakka ezggabeikke.

¹⁴Hegaa gishshau, taani deree shiiqido yaa7an, akeekennan kauyyanau de7ais” yaagana.

¹⁵Neeni ne pulttuwaappe haattaa uya; ne keettaayee xalaalaa siiqa.

¹⁶Ne pulttuwaa dabaaban, ne ollaa haattaakka dembban aissi gussai?

¹⁷Eta neeni ne xalaalau buzotta; hara allaga uraara koxxoppa.

¹⁸Ne pulttoi neeyyo anjjetto; yelagatettan neeni ekkido ne maccaaseera ufaitta.

¹⁹Lo77iya gaareedaaninne ufaissiya genesseedan, i xanttai ubba wodekka nena alo; ubbatoo i siiqoi nena omooddo.

²⁰Ta na7au, shaaramuxa maccaasiyaa nena aibissi omooddai? Hara asa machchiyo aibissi qoommai?

²¹Aissi giikko, asi oottiyoobaa ubbaa GODAI be7ees; i hemettiyo loosso ubbaa xeellees.

²²Nagaranchchaa i oottido nagarai oiqqees. A nagaraa gitee a qachchees.

²³I ba eeyyatettan haliis; ba huuphiyaa naagibeenna gishshau haiqqiis.