Sandane 29:1-10

¹Muxun naxan tondin maxadi xuine suxɛ, na halagima nɛn mafurɛn, a mi yɛlanɲɛ.

²Xa tinxin muxune wuya, yamaan sɛwama nɛn. Xa muxu ɲaxine nɔɔn sɔtɔ, yamaan wugama nɛn.

³Fe kolonna rafan muxun naxan ma na a baba rasɛwama nɛn. Koni naxan biraxi yalundene fɔxɔ ra, na bɔnɔma nɛn a sɔtɔ seene yi.

⁴Mangana a yamanan nasabatima kiti kɛndɛn nan xɔn, koni naxan dimi yi seene rasuxuma mayifuni, na a kalama nɛn.

⁵Naxan na a adamadi boden matɔxɔ wuleni, na lutin nan natima a sanna bun.

⁶Muxu ɲaxina matandine findixi luti ratixin nan na a xa, koni tinxin muxuna a sɛwa xuini tema nɛn.

⁷Tinxin muxun sɛnbɛtarene xun mayɛngɛ kitine kolon. Koni muxu ɲaxin mi na xaxinla sɔtɔma.

⁸Magele tiine taani maxama nɛn, koni fekolonne xɔlɔn nan naxunbelima.

⁹Fekolonna nun xaxilitaren na so kitini, xa a xɔlɔ hanma xa a gele, a mi xaxili sa sɔtɔma.

¹⁰Sɔntaren mi rafan faxa tiin ma, koni muxu faɲine sɔntaren niin nakantanma nɛn.