1Eme ŋic ŋokac jaŋere micne bapafâc jaŋe Jerusalem haeo jumbiŋ. Irec ŋic ŋokac tiwâne sâko jaŋe ŋicfâc‐jeŋic jaŋeraonec teŋkonec wâŋ, teŋkonec wâŋ, iŋuczi iŋuc Jerusalem haeo ra juniŋte ɋâsâi qambiŋ, â 9 guru sasawa jaŋe ine hae‐jeŋicko jumbiŋ.
2Eme Jerusalem haeo juniŋte afeckehuc fuambiŋ jaŋe ŋic ŋokac jaŋe jambuŋ‐jopambiŋ.
3Mâreŋ irec ŋic fekicne kecʒiŋuc jaŋe Jerusalem haeo jumbiŋ: Juda hae sâc ira ine Israe ŋic â taha bapa â Lewiŋic â taha ufuŋte kiŋaŋ qaqafâc gâcne erâ Salomore kiŋaŋ qaqafâc jaŋere ɋâricfâc gâcne jaŋe buc buc hae mâreŋ‐jeŋic sâc jurambiŋ.
4Ehame Jerusalem haeo ine Judare ɋâricfâc mecne â Benjamiŋte ɋâricfâc mecne mâmâc jumbiŋ. Judare ɋâricfâc jaŋe ine kecʒiŋuc: Uʒiare ŋokâ Ataja. E apa ŋosafâcne ʒiŋuc: Ʒekaria, Amaria, Sefatia â Mahalale. Erâ e Perezere ɋâricfâc jaŋeraonec.
5Erâ Barukure ŋokâ Maseja, e apa ŋosafâcne ʒiŋuc: Kolohoʒe, Haʒaja, Adaja, Jojaribi â Ʒekaria, e ine Silo ŋicte ɋâric.
6Eme Perezere ɋâricfâc ŋic hâbi‐jeŋichec Jerusalem haeo jumbiŋ sasawa jaŋere ʒare 468.
7Eme Benjamiŋte ɋâricfâc ine ʒiŋuc: Mesulamte ŋokâ Salu; e apa ŋosafâcne ʒiŋuc jumbiŋ: Joede â Pedaja â Kolaja â Maseja â Itiele erâ Jesaja.
8Eme ere râpeo Gabai â Salai; jaŋe 928‐zi jumbiŋ.
9Eme Zikirire ŋokâ Joele eki jaŋe qaŋeŋ‐jopahuc juwec. Ehame Hasenuare ŋokâ Juda eki ine ere râpeo juhuc hae hone soŋaŋ ehuc juwec.
10Eme taha bapa jaŋeraonec ine ʒiŋuc: Jojaribire ŋokâ Jedaja â Jakiŋ.
11Erâ Hilikiare ŋokâ Seraja, e apa ŋosafâcne ine ʒiŋuc: Mesulam â Zadoko â Merajoti erâ Ahitubu. Erâ e Anuture ufuŋko hone soŋaŋ gie bahuc juwec.
12Eme qomâfâc‐jeŋic ufuŋko gie bahuc jumbiŋ jaŋehec qâqâhâc ʒare‐jeŋic 822. Erâ Jerohamte ŋokâ Adaja, e apa ŋosafâcne ʒiŋuc: Peladia â Amazi â Zekaria â Pasahuru erâ Malikia.
13Eme qomâfâc‐ticne garikiŋ sâc irec micne ʒare‐jeŋic 242. Erâ Aʒarele ŋokâ‐ticne Amasai, e apa ŋosafâcne ʒiŋuc: Ahazai â Mesilemoti â Imere.
14Erâ qomâfâc‐jeŋic tai tâpiri sâko‐jeŋichec 128‐zi jumbiŋ. Eme jaŋere micne ine Hagedolomte ŋokâ Ʒabidiezi juwec.
15Eme Lewiŋic jaŋeraonec ine ʒiŋuc: Hasubure ŋokâ Semaja, e apa ŋosafâcne ʒiŋuc: Aʒarikam â Hasabia â Buni.
16Eme Lewiŋic jaŋeraonec fekicne Sabetai â Joʒabada jahe Anuture ufuŋ sahacnao gie qizeckepic.
17Eme Mikare ŋokâ Mataniazi nunumuo daŋge mumu irec micne bapa juwec. E apa ŋosa jahecne ine Ʒabadi â Asafa. Ehame qomâfâcne jaŋeraonec Bakabukiazi ere râpeo juwec. Erâ Samuare ŋokâ Abeda e wâc mâmâc, e apa ŋosa jahecne ine Galali â Jedutuŋ.
18Eme Lewiŋic sasawa tiri haeo jumbiŋ ʒare‐jeŋic 284.
19Eme motâc soŋaŋ Akubu â Talimoŋ jahe qomâfâc‐jekic jaŋehec ʒare‐jeŋic 172, iŋuczi motâc soŋaŋkehuc jumbiŋ.
20Ehame Israe ŋic tiwâne sâko â taha bapa erâ Lewiŋic gâcne jaŋe Juda hae ŋerawec ira hae mâreŋ ro rauc embiŋ sâc jurambiŋ.
21Â taha ufuŋte kiŋaŋ qaqa jaŋe ine Ofele haeo jumbiŋ. Ehame Ziha â Gisipa jahe taha ufuŋte kiŋaŋ qaqa jaŋe qizec‐joparâ jupic.
22Eme Banire ŋokâ Uʒizi Lewiŋic Jerusalem haeo jumbiŋ jaŋe hone soŋaŋ ejarehuc Anuture ufuŋte gie qizeckehuc juwec. Eme Uʒire apa ŋosafâcne ine ʒiŋuc: Hasabia, Matania â Mika. Uʒi e Asafare ɋâric, Anuture ufuŋko gae hehe ŋic jumbiŋ jaŋere ɋâric hâcne.
23Gae hehe ŋic jaŋe ʒoaŋ gie bapa sâc gie weniŋuc baniŋmu irec sâcmutâc i ŋicwofuŋzi ejarewec.
24Ehame Judare ŋokâ Ʒerare ɋâricfâc jaŋeraonec moc ʒâŋene Petahia, Meseʒabere ŋokâ hâcne, e ŋicwofuŋte micte ŋic ŋokac jaŋerao wiac sasawa fuawec irec mumutâc ŋic juwec.
25Eme Judaŋic tucne jaŋe hesarac mâreŋko hae ʒiŋuc ŋerawec ira jumbiŋ: Kiriati‐Araba, Diboŋ â Jekabazele, erâ hae bozefâc‐jeŋic.
26Erâ Jesua, Molada Bete‐Pelete.
27Erâ Haza‐Sua â Bere‐Seba â hae bozefâcne.
28Erâ Zikilaga â Mekona â hae bozefâcne.
29Erâ Enerimoŋ, Zora â Jaramuti.
30Erâ Ʒanoa â Adulam â hae bozefâc‐jekic, erâ Lakisi hae â hesarac mâreŋ‐ticne, erâ Aʒeka â hae bozefâcne. Jaŋe iŋuc ehuc Bere‐Seba haeonec mâreŋ fuŋkerâ raku Hinom wâneŋko fisiwec i ro rauc efârembiŋ.
31Eme Benjamiŋ guruonec ŋic jaŋe hae ʒiŋuc ira ŋeŋe juju embiŋ: Geba â Mikimasi â Aja erâ Bete â hae bozefâcne.
32Erâ Anatoti â Nobo â Anania.
33Erâ Hazoro â Rama â Gitaim.
34Erâ Hadidi â Zeboim â Nebalati.
35Erâ Lode â metâ bapa ŋic jaŋere wâneŋ ʒâŋene Ono.
36Ehame Juda mâreŋko Lewiŋic jaŋere mâreŋ rukec gâcne i Benjamiŋ guru jaŋere mâreŋhec iitic ewec.
