Luku 1:33-48

³³iↄ dɛ Yakↄbu buiↄ kía ũ gↄↄpii, aà kpala aↄ láaa vĩo.

³⁴Ɔ̃ Maliama ò malaikapiɛ: Lá mi gↄ̃ɛ dↄ̃ yãao, bee a kɛ kpelewa ni?

³⁵Malaika wèwà à mɛ̀: Lua Nisĩna a dinɛ, Musude gbãa i mↄma. A yã́i nɛ́ pↄ́ ńyↄ̃ ipi kua aↄ adoa, wàli oɛ̀ Lua Nɛ́.

³⁶N daɛ Ɛlizabɛti nɛgↄ̃ɛ nↄsia sↄ̃ a zikũ guu. Nↄɛ pↄ́ wa dìlɛ fĩi ũpi kú ń nↄ̀ mↄ sooloo tia.

³⁷Asa Lua lí fu yãewao.

³⁸Ɔ̃ Maliama mɛ̀: Dii zↄ̀blenan ma ũ. Aà kɛmɛɛ lá ń òwa. Ɔ̃ malaikapi aà tò we.

³⁹Gↄↄ bee Maliama fɛ̀lɛ gɛ̀ wɛ̃́lɛ pↄ́ kú Yude bùsu gusĩsĩdeu gↄ̃̀ↄ.

⁴⁰À gɛ̀ Zakali bɛ, ↄ̃ à fↄkpà Ɛlizabɛtiwa.

⁴¹Kɛ́ Ɛlizabɛti Maliama fↄpi mà, aà nɛ́ vĩ̀vĩ aà gbɛɛ guu, ↄ̃ Lua Nisĩna dɛ̀dɛ Ɛlizabɛtiwa,

⁴²Ɛlizabɛti wii gbãa lɛ̀ à mɛ̀: Báaaden n ũ dɛ nↄɛ píila. Báaaden nɛ́ pↄ́ kú ń gbɛɛu ũ lↄ.

⁴³Bↄ́n ma ũ kɛ́ ma Dii da mↄ̀ ma gwaii?

⁴⁴Gↄↄ pↄ́ ma swã́lɛ̀ n fↄwa lé, nɛ́ pↄ́ kú ma gbɛɛu vĩ̀vĩ ń pↄnaoɛ.

⁴⁵Báaaden n ũ, asa ń sì yã́ pↄ́ Dii ònɛ a kɛ.

⁴⁶Ɔ̃ Maliama mɛ̀: Báaaden n ũ, asa Málɛ Dii tↄbↄ ma sↄ̃ guu,

⁴⁷ma nↄ̀sɛ lɛ́ yáalↄ Lua ma Suabanawa,

⁴⁸asa à ma yãdà, mapi aà zↄ̀blena pↄ́ mi ka pↄe ũo. Za tia e gↄↄpii wàli omɛɛ báaadeɛ,