LUKU 1:33-48

³³eégↄ̃ kí blee Yakubu boriinↄnɛ gurↄ píngi, à kíblena égↄ̃ yãana vĩro.

³⁴Ben Mariama bè malaika pìnɛ: Kɛ̀ má gↄ̃gbɛ̃ dↄ̃ zikiro, beee é sí kɛ diamɛ?

³⁵Malaika wèàla à bè: Luda Nini é summa, Luda Musude gbãaa é danla. Beee yãnzi nɛ́ kɛ̀ nɛ́ ii pì kuuna égↄ̃ adona, weé à sísi Luda Nɛ́.

³⁶N danɛ Ɛlizabɛti nɛ́gↄ̃gbɛ̃ nↄ̀sina se a zikũ guu. Nↄgbɛ̃ kɛ̀ wà dìɛ pãaa ũu pì kú kↄ̃n nↄ̀ mↄ swɛɛdooo tia.

³⁷Zaakɛ Luda kiian baabↄ píngi è sí kɛn.

³⁸Ben Mariama bè: Dii zↄ̀blerin ma ũ. À kɛmɛ lán ń ò nà. Ben malaika pì tà à à tòn.

³⁹Gurↄↄ mↄ̀a Mariama fɛ̀ɛ à gàa lakutu kɛ̀ kú Yudea bùsu gusĩsĩdeen gↄ̃ↄ.

⁴⁰À gàa Zakari bɛ, ben à ì kpà Ɛlizabɛtia.

⁴¹Kɛ̀ Ɛlizabɛti Mariama ì pì mà, à nɛ́ vĩ̀ à gbɛɛɛ guu, ben Luda Nini sù Ɛlizabɛtia,

⁴²à wii gbãaa lɛ̀ à bè: Aubarikadeen n ũ dɛ nↄgbɛ̃ píngila. Aubarikadeen nɛ́ kɛ̀ kú n gbɛɛɛn ũ dↄ.

⁴³Bↄ́n ma ũ kɛ̀ ma Dii da mↄ̀ ma gwaa?

⁴⁴Gurↄↄ kɛ̀ ma n ì mà dé, nɛ́ kɛ̀ kú ma gbɛɛɛn vĩ̀ kↄ̃n pↄnnaao.

⁴⁵Aubarikadeen n ũ, mmↄn kɛ̀ n yã kɛ̀ Dii ònnɛɛ sì, kɛ̀ eé kɛ.

⁴⁶Ben Mariama bè: Mɛ́ɛ Dii tↄ́ sɛɛ lezĩ ma swɛ̃̀ guu,

⁴⁷ma pↄↄ e kɛɛ nna Luda ma Mìsiria,

⁴⁸zaakɛ à ma yã dà, mamↄma à zↄ̀bleri kɛ̀ mɛ́ɛ ká pↄ́ke lɛ́zĩroo. Zaa tia ai gurↄ píngi weé bemɛ aubarikadeemɛ,