LUKU 1:33-48

³³anigↄ̃ kí ble Yakubu burinↄa gↄrↄ sĩnda pínki, a kíblena nigↄ̃ lakana vĩro.

³⁴Akũ Mariama pì malaikaa pìinɛ: Mádi gↄ̃gbɛ̃ dↄ̃ zikiro, abirekũ ni sí kɛ deraa?

³⁵Malaikaa wèa à pì: Luda Nini ni summa, Luda Musude gbãna ni danla. Abire yãi nɛ́ kũ ĩni i pì kunna nigↄ̃ adona, oni a sísi Luda Nɛ́.

³⁶N danɛ Ɛlizabɛti nɛ́gↄ̃gbɛ̃ nↄ̀sina se a zĩkũnaa gũn. Nↄgbɛ̃ kũ ò dìtɛ para ũ pì kú kũ nↄ̀ mↄ suddoo tera.

³⁷Zaakũ Luda kĩnaan pↄ́ sĩnda pínki dì sí kɛn.

³⁸Akũ Mariama pì: Dikiri zↄ̀bleriin ma ũ. À kɛmɛnɛ lákũ n ò nà. Akũ malaikaa pìi tà à a tòn.

³⁹Gↄrↄ kũ̀a Mariama fùtɛ à gɛ̀ɛ lakutu kũ à kú Yudea bùsu gusĩsĩden gↄ̃̀nↄ.

⁴⁰À gɛ̀ɛ Zakari bɛa, akũ à fↄ kpà Ɛlizabɛtia.

⁴¹Kũ Ɛlizabɛti Mariama fↄↄ pìi mà, a nɛ́ vĩ̀ a gbɛrɛ gũn, akũ Luda Nini sù Ɛlizabɛtia,

⁴²à wiki gbãna lɛ̀ à pì: Arubarikademɛ n ũ de nↄgbɛ̃ sĩnda pínkila. Arubarikaden nɛ́ kũ à kú n gbɛrɛn ũ dↄ.

⁴³Bↄ́n ma ũ, kũ ma Dikiri da sù ma gwaa?

⁴⁴Gↄrↄ kũ ma n fↄkpammanaa mà dé, nɛ́ kũ à kú ma gbɛrɛn vĩ̀ kũ pↄnnaomɛ.

⁴⁵Arubarikademɛ n ũ, mↄkↄ̃n kũ n yã kũ Dikiri ònnɛ sì, kũ ani kɛ.

⁴⁶Akũ Mariama pì: Matɛn Dikiri tↄ́ sɛ́ lei ma swɛ̃̀ɛ gũn,

⁴⁷ma pↄ tɛn kɛ nna Luda ma Surabariia,

⁴⁸zaakũ à ma yã dà, makũ a zↄ̀bleri kũ mádi ká pↄ́ke ũro. Zaa tera ari gↄrↄ sĩnda pínki oni pimɛnɛ arubarikademɛ,